Çfarë është me rëndësi për gazetarinë, lajmi profesional apo klikimet?
Published in Recensione
on 20 - 09 - 2016 Author: Xhenis Sulimani[Recension: Ja se çka është më me rëndësi për Ministrat e BDI-së (FOTO)]
Pozita e ministrit është serioze dhe mjaft me rëndësi. Përgjegjësia e tij për punën që bën është çdoherë interes publik. Prandaj, gazetari, si gardian i këtij interesi, nga ministri duhet të kërkojë përgjegjësi për punën dhe veprimet, të cilat ndikojnë në jetën e qytetarëve.
Linku deri te artikulli origjinal: “Ja se çka është më me rëndësi për Ministrat e BDI-së (FOTO)”
Data dhe koha e publikimit: 14.09.2016
Data e recensionit: 20.09.2016
Recensues: Xhenis Sulimani
Mirëpo, lajmi që po e recensojmë është tendencioz. Në vend se të kërkojë përgjegjësi nga ministri për punën e tij, apo të transmetojë qëndrimin e tij dhënë për media për çështje për të cilat ka kompetenca, ai nëpërmes një fotografie sjell përfundime për atë se cilat janë prioritetet e Pishtar Luftiut. Përmes fotografisë ku shihen kollaret e ministrit, bëhet lajm ku konstatohet se ndërrimi i kollareve, të cilat shihen në foto, janë prioritet i kuadrit të BDI-së.
“Në kohën kur arsimi shqiptar në Maqedoni ballafaqohet me probleme të panumërta infrastrukturore, kuadrove dhe administrative, kujdesi i ministrit është i përqëndruar në kombinimin e kollareve të cilat zënë vend kyç në tavolinën e tij të punës”.
Kjo tezë mund të kthehet edhe ndryshe. Në kohën kur arsimi shqip po ballafaqohet me probleme të shumta, gazetari do të duhej të kërkonte përgjigje nga ministri se cilat janë planet e tij dhe mekanizmat për t’i tejkaluar problemet, e jo vëmendjen e publikut ta fokusonte te kollaret e tij duke bërë një konstatim të paargumentuar.
Ndoshta prezenca e këtyre aksesoreve të veshjes në tavolinën e një ministri gjatë një interviste për mediat flet për gafë të ekipit që kujdeset për imazhin e tij publik, ndoshta edhe dëshmon për papërvojën e ministrit në marrëdhëniet me mediat, mirëpo gazetari as që ka tentuar që të vështrojë këtë temë nga ky kënd, të kërkojë mendimin e ekspertëve për protokoll dhe marrëdhënie me publikun, etj. Ndoshta tema edhe do të ishte interesante të trajtohet, për shembull, në rubrikë të modës apo në rubrikat rozë. Mirëpo, ky nuk është rasti me këtë përmbajtje.
Informacionet e këtilla tregojnë mosseriozitet dhe mosrespektim të standardeve gazetareske. Kjo tendencë jep pasqyrë ndryshe në opinion për gazetarinë në përgjithësi. Prandaj, produkte gazetareske të këtilla nuk duhet të zënë vend në media, për faktin se në këtë mënyrë media devijon nga krijimi i besueshmërisë së opinionit.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
ka burime të evidentuara
EXTENSIVENESS
jogjithëpërfshirës
nuk ka informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
dezinformon
jokreativ
senzacionalist
adekuat
tendencioz
PHOTOGRAPH
ka
adekuate
manipulon
është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
ka linke kontekstuale
pjesërisht i rregulluar në aspekt stilistik
i palidhur me tag-e