Deklarata e dhënë në orën 4 të mëngjesit, është komentuar me bashkëbisedues në orën 8
Published in Recensione
on 26 - 10 - 2015 Author: Владимир Мирчески
[Recension: Marrëveshje nuk ka, Zaevit nuk i vijnë mendtë]
Dikush e ka gjetur “fajtorin”, mirëpo shtrohet pyetja duke u bazuar në çka?
Linku deri te artikulli origjinal: Marrëveshje nuk ka, Zaevit nuk i vijnë mendtë
Data dhe koha e publikimit: 20.10.2015, 08:26
Data e recensionit: 21.10.2015
Recensues: Vlladimir Mirçeski
FAJTORI I RREGULLT LE TA NGREJË DORËN!!!
Do të isha i befasuar edhe atë pozitivisht, nëse disa medie, njësoj sikurse edhe ajo tekstin e të cilës e recensojmë, do të arrinin që një herë, së paku një pjesë të përgjegjësisë për kakafoninë politike ta gjejnë në ndonjë vend tjetër, e jo vetëm te opozita dhe lideri i saj. Pothuajse për çdo gjë në vend, duke filluar nga bora e vjetshme, kaosi i trafikut në kryeqytet, tubimet e nxënësve të shkollave të mesme, protestat studentore, amviset nervoze në prag të periudhës së zahireve të dimrit, diplomatët e hidhëruar, taksistët e nervozuar dhe krizën e refugjatëve fajtorë janë “ata të këqinjtë” në rrugën e famshe të “Bihaqit”. Kujton se ata janë në pushtet gjatë 9 viteve të kaluara, e jo përbërja aktuale. Domethënë, praktikë standarde, njerëzit akoma të pazgjuar “bombardohen” me informata se pikërisht kah Zoran Zaevi duhet bërë me gisht për debaklin e Përzhinos, e jo te ndonjë tjetër.
Kini kujdes, deklarata e kryetarit të LSDM-së është dhënë në orën 4 të mëngjesit, ndërsa në orën 8, në të ashtuquajturën “periudhë e vdekur”, kur është shumë vështirë të gjenden bashkëbisedues, burime, të bëhet verifikimi i fakteve, është arritur deri te lajmi se “nuk ka marrëveshje dhe se Zaevit nuk i vijnë mendtë”. Më saktë, nëse analizohet me kujdes teksti i shkurtër do të shihet se në të nuk ka asnjë burim tjetër të informatave, përveç deklaratës së liderit të opozitës, të cilën dikush e ka interrpetuar si “Zaevi përsëri në stilin e tij me akuza dhe sulme, në vend të punës”. Dhe ja kështu, në bazë të argumenteve joekzistuese, së paku për ne si lexues, të cilatr nuk janë ofruar, është përgatitur një akuzë dhe është shqiptuar aktgjykimi – fajtor është Zaevi. Fakti se nuk ka burime plotësuese apo bashkëbisedues që janë të theksuar në mënyrë të qartë, e as fakte të qëndrueshme, e megjithatë janë nxjerrë përfundime të forta, pothuajse si njëfarë forme e të vërtetës absolute, flet mjaftë për shkallën e anshmërisë. Poashtu, është transmetuar vetëm një segment nga deklarata e njeriut të parë të LSDM-së që, flet teksti ka edhe qasje selektive. Prandaj, është joreale të pritet që për përmbajtësinë të jepet notë e lartë. Ndoshta, kalimtare.
Marrë në përgjithësi, një produkt i shkurtër, që në mënyrë joobjektive plason informatë jo të plotë për një ngjarje kyçe politike dhe njëkohësisht ndan aktpadi pa asnjë argument të ofruar. I ngjan urdhër-arrestit partiak për “fajtorin kujdestar”.
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
të evidentuara, mirëpo të shtrembëruara
zyrtare
relevante
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
me gjasë po
mban anën e një pale
anshmëri politike
COMMENTING
nuk ka elemente të komentimit
të ndara nga faktet
PLAGIARISM
me gjasë është origjinal
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nxit për përdorimin e dhunës
nuk diskriminon
EDITED FOR THE WEB
i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e