Dija më së mirë mbron nga gabimet në tekste
Published in Recensione
on 1 - 03 - 2017 Author: Југослава Дуковска
[Recension: (VIDEO) Psikiatri Haxhi-Angellkovski: Ata që bëjnë thirrje për urrejtje dhe luftë janë psikopatë nacistë]
Recensojmë një artikull me videomaterial, i cili ofron një këndvështrim interesant profesional në lidhje me gjendjet aktuale politike në shoqërinë e Maqedonisë, shikuar nga dioptria profesionale e një psikiatri klinik. Mirëpo, teksti për shkak të një fjale që është kuptuar gabimisht duhet të marrë vlerësim negativ, pasi që i dezinformon konsumtarët e tij mediatikë. Në fakt, në pyetjen e gazetarit se si i interpreton paraqitjet e fundit të disa personave publikë, të cilët nëpërmjet rrjeteve sociale haptazi qëndruan pas propagandës agresive të një partie politike, e madje edhe haptazi bëjnë thirrje për dhunë, psikiatri këta persona i cilëson si “psikopatë narcisoid딓, gjegjësisht si persona me diagnozë klinike me manifestime patologjike në sjelljen e tyre. Ai thekson se edhe në mesin e politikanëve ka mjaft psikopatë narcisoidë dhe se ata janë të aftë të motivojnë një numër të madh njerëzish që mund të çojë deri në gjakderdhje.
Linku deri te artikulli origjinal: (VIDEO) Psikiatri Haxhi-Angellkovski: Ata që bëjnë thirrje për urrejtje dhe luftë janë psikopatë nacistë
Data dhe koha e publikimit: 20.02.2017, 14:13
Data e recensionit: 26.02.2017
Recensuese: Јugosllava Dukovska
“NACISTË” NË VEND TË “NARCISOIDË”
Problemi me këtë artikull është se në titull, e poashtu, edhe në vetë tekstin, artikulli “narcisoidë” është zëvendësuar me fjalë “nacistë”, që deklaratës së psikiatrit i jep një domethënie krejtësisht tjetër. Nuk duhet elaboruar se narcizmi paraqet çrregullim të personit dhe si i tillë studiohet nga psikologjia, ndërsa nacizmi është ideologji totalitare. Duam të theksojmë se deklarata e bashkëbiseduesit, për shkak të këtij jopreciziteti, është transmetuar gabimisht dhe ky gabim e ka vënë burimin e informatës, në këtë rast bashkëbiseduesin, i cili është burim i kualifikuar, në pozitë të mos jetë i besueshëm.
“Në mesin e politikanëve ka edhe të ashutuqajtur psikopatë nacistë, dhe një pjesë e madhe e tyre janë të tillë që mendojnë se e drejta e tyre është e drejta e vetme, se kanë të drejtë të vendosin për ne dhe kjo është më e rrezikshmja, thotë për А1оn, Haxhi-Angellkovski”.
Megjithatë, është korrekte të theksohet se në inçizimin e bisedës fjala “narcisoidë” është shqiptuar relativisht në mënyrë të pakuptueshme, që mund të jetë edhe arsye se pse fjala është shkruar në atë mënyrë. Megjithatë, supozojmë se një gazetar i edukuar do të duhej të dijë ta bëjë këtë dallim dhe se ka njohuri elementare të terminologjisë, si të psikologjisë, ashtu edhe të sociologjisë.
INFOGRAPHIC
TRUTHFULNESS
ka fakte
shumica e pohimeve janë të sakta, mirëpo termi kyç është transmetuar gabimisht
deklarata të vërteta
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
gjithëpërfshirës
nuk ka informata të fshehura
BIAS
pjesërisht e paraqet të vërtetën
nuk ka shtrembërim të së vërtetës (spin)
nuk ka informata të rrejshme
është i balancuar
COMMENTING
nuk ka elemente të komentimit
PLAGIARISM
vepër origjinale
është theksuar autori
TITLE QUALITY
dezinformon
jokreativ
josenzancionalist
adekuat
titulli shkakton huti për shkak se ka gabim
PHOTOGRAPH
ka
adekuate
informon
është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
elemente solide multimediale
ka linke kontekstuale
i rregulluar në aspekt stilistik
i lidhur me tag-e