Faktet dallojnë nga mendimet personale!
Published in Recensione
on 16 - 12 - 2015 Author: Adrian Kerimi[Recension: UEJL e humb prestigjin?!]
Faktet dhe dëshmitë, në gazetari janë alfa dhe omega! Gazetari i cili vendos të shkruaj një tekst, duhet të ketë parasysh dëshmitë dhe autenticitetin e tyre. Është shumë joprofesionale të krijohet pështypje negative për ndonjë subjekt duke ngritur në publik probleme të supozuara pa asnjë dëshmi të rëndësishme.
Linku deri te artikulli origjinal: “UEJL e humb prestigjin?!”
Data dhe koha e publikimit: 09.11.2015
Data e recensionit: 10.12.2015
Recensues:
Teksti që po recensojmë nuk bazohet në asnjë kriter gazetaresk dhe më shumë bën pjesë në kategorinë e (kundër) propagandës, se sa të lajmit! Informacionet janë selektuar në atë mënyrë që, gazetari thirret në atë se “Bëhet e ditur” dhe kjo hedh dyshimin për vërtetësinë e asaj që thuhet.
Universiteti i Europës Juglindore, kohëve të fundit, shënon rënie të cilësisë dhe nga viti në vit numri i studentëve që vazhdojnë studimet aty, zvogëlohet në mënyrë drastike. Bëhet e ditur që ky universitet ballafaqohet me probleme të mëdha financiare si pasojë e numrit të vogël të studentëve që regjistrohen. UEJL ka humbur prestigjin e dikurshëm që e ka pasur dhe kalon në një faze të vështirë të mirëmbajtjes së vetë.
Në tekst gazetari “rrëfen” për prestigjin e dy universiteteve, ndërkohë gjithnjë thirret në periudhë të papërcaktuar kohore, duke u arsyetuar para lexuesit se e gjitha çfarë thuhet në tekst ka ndodhur “kohëve të fundit”. E vetmja arsye që autori të bënte këtë tekst do të ishte rezultati i ndonjë ankete që nxjerrë në pah “rënien” e supozuar të këtij universiteti ose konfirmimi i supozimeve me shumë vlerësime studentësh që janë pjesë e tij. Për të konfirmuar ose demantuar këto informacione, i nevojshëm është qëndrimi zyrtarë, gjë që nuk e ka bërë gazetari.
Edhe pse me shumë kampanja ka tentuar të kthejë vëmendjen e studentëve, bëhet e ditur se rezultatet janë të vogla dhe interesimi për studim në këtë universitet bie vazhdimisht. Kjo rënie e regjistrimit të studentëve direkt ka ndikuar edhe në kualitetin e mësimdhënies dhe menaxhimit, që tash nuk dihet se si do të përfundojë. Pas kësaj situate të krijuar, bëhet e ditur se në nivele menaxheriale shikohen mundësi të tjera për funksionimin e tij.
Çështja është më e ndërlikuar dhe gazetari ka raportuar në premisa të përgjithshme! Saktësimi dhe përkufizimi i lajmit, i ndihmon lexuesit për të kuptuar më lehtë lajmin dhe për të kapur thelbin e informacioneve. Edhe në këtë rast, gazetari tendencioz ka hedhur mundësinë (të pakonfirmuar) për shkrirjen e UEJL-së në USHT, mirëpo edhe në këtë rast nuk ka kërkuar qëndrim nga palët!
Një prej varianteve që përfolët është edhe ai i shkrirjes me USHT-në që në të ardhmen edhe mund të ndodh. Edhe më parë në opinion është folur për këtë mundësi, por pas këtyre vështirësive që janë reflektuar edhe në rangimet e këtij universiteti, ky variant mund të jetë i pritur.
Kodi etik i gazetarëve përkufizon qartë: Gazetari duhet të bëjë dallim mes fakteve dhe mendimeve, mes lajmit dhe komentit. Po i njëjti Kod në mënyrë koncize thekson: Gazetarët kanë të drejtë për të pasur mendimin, qëndrimin dhe vlerësimin e tij, por nuk guxojnë që mendimet e tyre t’i kamuflojnë sikur të jenë fakte.
Për të hedhur dyshime mbi prestigjin e UEJL-së, gazetari është i detyruar që lexuesit t’i sjellë një informacion shtesë të shkurtër, i cili i përkujton ata se për çka bëhet fjalë, çfarë ofron dhe cilat janë sukseset e deritanishme të këtij universiteti. Më saktë, duhet patjetër të tregohej se si ka qëndruar deri tani në listën e universiteteve më të mira në vend, rëniet dhe ngritjet e tij.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
nuk ka burime të evidentuara
nuk mund të përcaktohet
një palë
EXTENSIVENESS
jogjithëpërfshirës
informata të fshehura
BIAS
Jo, nuk e paraqet
ka shtrembërim të së vërtetës (spin)
informata të rrejshme
mban anën e një pale
anshmëri komerciale
COMMENTING
nuk ka elemente të komentimit
PLAGIARISM
nuk mund të përcaktohet
nuk është theksuar autori, nuk është theksuar burimi
TITLE QUALITY
dezinformon
jokreativ
josenzancionalist
joadekuat
tendencioz
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e