Fjalori i rrugës nuk e ka vendin në media!
Published in Recensione
on 26 - 02 - 2017 Author: Benjamin Arifi
[Recension: PSHURRANI ALAJDIN DEMIRI!]
Në “bankën” e recensimit kemi një tekst që nuk kërkon shumë angazhim intelektual për të dëshmuar joprofesionalizmin dhe mungesën e etikës. Një shkrim që mund të quhet gjithçka, por vetëm gazetari jo, edhe pse është publikuar në një media online, edhe atë në rubrikën e lajmeve.
Linku deri te artikulli origjinal: PSHURRANI ALAJDIN DEMIRI!
Data dhe koha e publikimit: 13/02/2017
Data e Recensionit: 18/02/2017
Recensues: Benjamin Arifi
Ky artikull është një grumbull ofendimesh, përqeshjesh e etiketimesh, të shkruara për një person publik.
Do të thoshit, mirë, po a nuk është kjo liri e shprehjes? Jo. Nuk është. Fjalori është aq i rëndë, sa që një media profesionale nuk do të duhej ta publikonte as si opinion ose koment të dikujt me emër dhe mbiemër, e jo më të tentojë ta ‘shesë’ në rubrikën e lajmeve. Ky veprim është fyerje e rëndë për profesionin e gazetarisë, po aq sa për personin, të cilit i dedikohet teksti.
Në këtë recension nuk do të ribotojmë si dëshmi citate nga ky shkrim, pasi që nuk duam t’ju japim hapësirë fjalëve të urrejtjes dhe të ri-viktimizojmë edhe njëherë personin e vënë në shënjestër të këtij teksti. Kualifikimi i dhënë në titull mjafton që të kuptoni se si zhvillohet më tej ‘narracioni’. Një tekst si ky shkel të gjitha kufijntë themelorë, nga aspekti profesional, moral dhe etik i gazetarisë. Qasja e tillë, s’do mend, përcaktohet si shkelje e Kodit Etik të gazetarëve, edhe atë paragrafeve siç vijojnë:
-
Kodi etik dhe pofesional i gazetarëve u imponon përgjegjësi të veçantë për fjalën e thënë publike. Qëndrimet e tyre janë faktorë të rëndësishëm në formësimin e mendimit publik, për shkak se gjuha e urretjes është e padenjë për etikën e gazetarit.
-
Gjuha e gazetarit gjithëherë duhet të jetë e matur dhe neutrale, përkundër atij që ofron konkluzione të gatshme dhe gjykime dhe paraqet ose kufizohet me gjuhën e urrejtjes.
Kur mediat përdoren për qërim hesapesh politike ose personale, tekstet si ky janë rezultat i pashmangshëm. Ata janë tregues për robërinë e mediave ndaj qendrave të caktuara të fuqisë politike dhe ekonomike. Por, rezultati i shkrimeve të tilla janë edhe paditë gjyqësore, humbja e besimit te publiku, humbja e lexuesve, ikja e reklamave. Të shërbyerit ‘pa kokë’ dikujt asnjëherë nuk përfundon mirë për një medium. Andaj, shumë prej mediave duhet të kuptojnë se duhet t’i kthehen gjenezës së tyre, misionit origjinal, informimit të drejtë dhe objektiv të opinionit publik, dhe të heqin dorë nga të qenit vegla për përplasje politike ose personale.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
Asnjë
EXTENSIVENESS
jogjithëpërfshirës
ndoshta ka informata të fshehura
BIAS
Jo
ka shtrembërim të së vërtetës (spin)
informata të rrejshme
mban anën e një pale
anshmëri politike, anshmëri tjetër
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
Përdor fjalor të rëndë ofendues
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
ka linke kontekstuale
i rregulluar në aspekt stilistik
i lidhur me tag-e