Interes publik, apo “interesant” për publikun?
Published in Recensione
on 24 - 06 - 2016 Author: Fatlume Dervishi
[Recension: Zoran Zaevi para iftarit bëri “sevap”, sot jepte nga 500 denarë]
Gjatë transmetimit të një informacioni në media duhet të jetë e qartë se pse është ai me interes publik. Nëse autori nuk arrin të gjejë arsyen e kësaj, atëherë, me gjasë, ai informacion është i panevojshëm. I tillë është ky “lajm” i publikuar nga Tetova Sot. Për më tepër, informacioni pa dëshmi të mjaftueshme, si duket është publikuar për të kryer vetëm rolin e publicitetit dhe për të tërhequr sa më shum publik.
Linku deri te artikulli origjinal: Zoran Zaevi para iftarit bëri “sevap”, sot jepte nga 500 denarë
Data e publikimit: 18.06.2016
Data e recensionit: 19.06.2016
Recensues: Fatlume Dervishi
Ndalimi në rrugë i një funksionari politik nga disa simpatizantë të tij, vetëm për ta takuar, nuk përbën lajm. Gjithë çfarë përmban ky tekst është një fotografi, që nuk ka karakteristikat e lajmit. Pjesa tjetër e tekstit ka më tepër rolin e publicitetit, promovimit, se sa të një informacioni objektiv.
Lideri i LSDM-së Zoran Zaev sot u bllokua nga disa simpatizant të tij në rrugë afër qendrës “Mavrovka” ku edhe bllokuan rrugën për disa minuta. E veçanta e tij sot atyre që zgjatën dorën ai ju dha nga 500 denarë para Iftarit.
Si burim të cilit i referohet përmbajtja është një lexues anonim që supozohet se ka qenë në vendin e ngjarjes dhe që me gjasë ka shkrepur edhe fotografinë. Edhe sikur kryetari i LSDM-së, Zorav Zaev, të ketë qenë i bllokuar nga simpatizantët e tij, edhe sikur t’u ketë dhënë lypsarëve në rrugë nga 500 denarë, pse është kjo me interes për masën e gjërë të lexuesve, pse është përmendur “iftari”? Natyrisht, për të “goditur” më shumë lexuesit gjatë kësaj periudhe të vitit, që është e rëndësishme për një pjesë të konsiderueshme të lexuesve shqiptarë.
Autori më tej hyn në komentim të gjendjes politike nga “të dy anët e medaljes”, edhe atë duke e quajtur “diktatorial” sistemin e qeverisjes së Gruevskit si dhe duke e konsideruar Zaevin si person kyç për krizën politike në vend.
Ndryshe Lideri i LSDM-së vazhdon të jetë personi kyç në politikën në Maqedoni duke bllokuar sistemin diktatorial të Gruevskit dhe duke krijuar një krizë të thellë politike në vend.
Në rastin konkret, as nuk mund të ketë dyshim se a janë të nevojshme më shumë burime informacioni apo se vallë është e nevojshme prezenca e palës tjetër. Nuk është me interes për opinionin që të vërtetojë nëse dikush, në rolin e një qytetari, ju ka dhënë diçka lypsarëve në rrugë dhe sa ju ka dhënë.
Në Kodin Etik të Gazetarëve të Maqedonisë sqarohet domethënia e interest publik.
Interesi publik përfshin informacione që mund të kontribuojnë për zbulimin e veprave kriminale, shpërdorimeve të pozitës zyratre, rrezikimit të demokracisë, korupsionit, rasteve të padrejtësive, shkeljen e të drejtave të njeriut, diskriminimit, rrezikimit të shëndetit dhe sigurisë së njerëzve, pakujdesi dhe/ose paaftësi të funksionarëve publik. Interesi publik, poashtu, inkuadron edhe informacione që u ndihmojnë njerëzve të marrin vendime me karakter publik dhe pengojnë mashtrimin apo manipulimin me popullësinë me deklarata ose me veprime nga individë ose organizata.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
anonime
jorelevante,
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
mban anën e një pale
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
informon
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e