Ja pse kanë rëndësi objektiviteti dhe faktet
Published in Recensione
on 19 - 07 - 2016 Author: Fatlume Dervishi[Recension: “Ja pse Nevzat Bejta është kundër BDI-së dhe Ali Ahmetit”]
Tema e zgjedhur për trajtim në këtë tekst është më se e rëndësishme. Problemi i deponisë për qytetet e Gostivarit dhe Tetovës është shumë i vjetër dhe e prek interesin publik, kurse lidhur me të gjithmonë mund të bëhen lajme profesionale, qoftë edhe vetëm me anketa nga banorët që shqetësohen nga kjo gjendje. Por shënjestra e përmbajtjes është një individ, kurse mënyra e informimit është sulmuese, pa pasur “armët” e nevojshme – faktet.
Linku deri te artikulli origjinal: “Ja pse Nevzat Bejta është kundër BDI-së dhe Ali Ahmetit”
Data e publikimit: 14.07.2016
Data e recensionit: 17.07.2016
Recensues: Fatlume Dervishi
Është bërë një lidhje e palogjikshme mes dy gjërave për të nxjerrë një konkluzion po aq të palogjikshëm, i cili është thënë edhe në titull. Një titull që fillon me “Ja…” sugjeron mendjen e lexuesit të besojë se teksti shpalos fakte, deklarata dhe të dhëna që tregojnë qartë pse Nevzat Bejta është kundër BDI-së dhe Ali Ahmetit. Por, arsyeja që flet për këtë urrejtje, sipas përmbajtjes, është bllokimi i mbeturinave nga komuna e Tetovës për t’u transportuar në deponinë “Rusino” në Gostivar. Sipas autorit, kjo nuk duheshka të ndodhë, sepse, selia e BDI-së ndodhet në Reçicë të Vogël. Pra, Bejta nuk pranoka mbeturinat e selisë së BDI-së, andaj i bie që ai të jetë kundër BDI-së.
“Kryetari i komunës së Gostivarit Nevzat Bejta pas bllokimit të mbeturinave të komunës së Tetovës de fakto është kundër partisë së tij dhe liderit Ali Ahmetit.
Siç dihet selia e BDI-së ndodhet në Reçicë të Vogël ku edhe mbeturinat e kësaj selie Nevzat Bejta i ka ndaluar që të hudhen në deponin Rusino një deponi regjionale.”
Kur ka ardhur në këtë përfundim, autori nuk e ka marrë në konsideratë qëndrimin e Bejtës të pasqyruar edhe në tekst dhe arsyet që ka shpalosur ai përpara banorëve që jetojnë afër deponisë. Nuk janë trajtuar as shqetësimet e banorëve të shkaktuara nga kjo deponi, por është pasqyruar vetëm njëra anë e storjes, ajo se: “… komunës së Tetovës i kushton shumë shtrenjt hudhja e mbeturinave në Drislla të Shkupit.”, pa thënë fare as për çfarë shume bëhet fjalë.
Vazhdimisht është nxjerrë në pah përkatësia politike e krerëve të komunave dhe kjo nuk është e rastësishme.
“… mund të përshkallzohet konflikti mes dy komunave shqiptare dhe të njetës parti.
… në vitin 2009 ish kryetari i komunës së Gostivarit Rufi Osmani pas bllokimit të mbeturinave të komunës së Tetovës shtriu dorën e pajtimit ku komuna e Tetovës vazhdoi të hedh mbeturina në Rusino edhe pse dy kryetarët ishin në parti të ndryshme.”
Mungon edhe prononcimi i Komunës së Tetovës, për të konfirmuar ose hedhur poshtë skenaret e mundshme të cekuras në përmbajtje. Nevzat Bejta është sulmuar në mënyrë shumë direkte për deponinë, duke lënë anash informimin e balancuar dhe duke përzgjedhur vetëm anët e storjes, të nevojshme që teksti të arrijë “qëllimin”.
Zgjedhja e fakteve patjetër të sigurojë informacion objektiv duke pasur parasysh të gjitha apektet e rëndësishme të temës që trajtohet. – shkruan në Kodin Etik të gazetarëve.
Duke theksuar disa herë përkatësinë politike dhe duke mos u marrë aspak më rendësinë që ka ekzistenca e një deponie afër vendbanimeve, autori ka përfunduar me një tekst nxitës dhe tendencioz, i cili nuk kontribuon esencialisht në qartësimin e problemit dhe ofrimin e zgjidhjes së mundshme.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e