Ka parullë politike, mirëpo nuk ka informatë!
Published in Recensione
on 16 - 08 - 2016 Author: Југослава Дуковска
[Recension: VIDEO: Zoran Zaev, sot u mbajti leksion ministrecave me pudër dhe Gruevskit se si u ndihmohet zonave të dëmtuara]
Ngjarje aktuale, rrethana të jashtëzakonshme në të cilat zhvillohet, me aktor që është figurë e lartë politike, ndërsa lajmi që u komunikohet lexuesve – zero. Bëhet fjalë për lajmin se kryetari i Lidhjes Socialedemokratike, Zoran Zaev i ka vizituar pjesët e vërshuara të Shkupit, ka sjellë ndihma e madje edhe vetë ka ndihmuar në disa shtëpi që i ka vizituar me delegacionin e tij. Lajmin me të gjitha detajet e transmetuan një numër i madh i medieve të vendit, mirëpo për dallim prej tyre, ky artikull ka vetëm një fjali të vetme, e cila në fakt është qëndrim gjegjësisht mendim dhe nuk i përmban të gjitha elementet e nevojshme që e përbëjnë një lajm gazetaresk. Në vend të informatës, lexuesit fituan një parullë të thjeshtë që duket e pahijshme.
Linku deri te artikulli origjinal: Zoran Zaev, sot u mbajti leksion ministrecave me pudër dhe Gruevskit se si u ndihmohet zonave të dëmtuara
Data dhe koha e publikimit: 8.08.2016
Data e recensionit: 11.08.2016
Recensues: Јugosllava Dukovska
ZERO LAJM
Fjalia thotë:
Zoran Zaev, sot u mbajti leksion ministrecave me pudër dhe Gruevskit se si u ndihmohet zonave të dëmtuara
Në bazë të asnjë kriteri kjo nuk mund të trajtohet si informatë e vërtetë për shkak se përveç që përgjigjet në pyetjen: kush? Nuk ka asnjë përmbajtje tjetër relevante. Në pyetjen: çka? Përgjigja që ofrohet është:
u mbajti leksion se si u ndihmohet zonave të dëmtuara.
Mirëpo, kjo floskulë e përgjithshme nuk do të thotë asgjë edhe pse nga inçizimet dhe fotografitë e bashkangjitura mund të vërehet se lideri i LSDM-së është angazhuar edhe fizikisht gjatë vizitës së zonave të vërshuara. Nuk është dhënë përgjigje as në pyetjen: ku? Është e qartë se bëhet fjalë për zona që u vërshuan më 6 gusht të këtij viti, mirëpo ku saktë ka qenë Zaevi, lexuesit nuk e dijnë.
Për dallim nga kjo qasje, mediet tjera për ngjarjen e njëjtë raportuan raportuan në mënyrë më të plotë dhe më të detajuar, dhe prej atje lexuesit/shikuesit mund të kuptojnë se Zaevi me delegacionin e tij i ka vizituar Çenton, Stajkovcin dhe Hasanbegun dhe çka në fakt kanë punuar atje (“Me automjete të specializuara nxirret uji, vullnetarët dhe ekipet i pastrojnë mbeturinat e mbledhura, dërgohet ujë, ushqim dhe mjete të tjera të nevojshme higjienike”).
Prandaj, nga aspekti i përmbajtësisë, ky shkrim që pretendon të jetë njëfarë lajmi, është zero lajm. Për këtë arsye, anshmëria, gjegjësisht joobjektiviteti në të matet me shifra astronomike.
Nëse ideja e artikullit ka qenë të tallet me pushtetin dhe t’i favorizojë veprimet e njerëzve të opozitës, kjo është bërë në mënyrë shumë amatore. Një gjë është e sigurtë, informata është vënë në plan të dytë.
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare
relevante
nuk mund të përcaktohet
një palë
EXTENSIVENESS
jogjithëpërfshirës
nuk ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
informon
autori (burimi) është theksuar në mënyrë selektive
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
elemente solide multimediale
ka linke kontekstuale
i rregulluar në aspekt stilistik
i palidhur me tag-e