Lajme ngacmuese pa asnjë lloj reference

on 16 - 08 - 2016 Author: Agron Vrangalla

Овој напис го има и на: Maqedonisht

[Recension: FOTO-LAJM/ Hasanbeg: Populli në baltë, Ministrat e BDI-së shkojnë me veshje të shtrenjta!]

Është e vërtetë se mediat kanë politikat e tyre redaktuese. Por ky është një koncept pak më i gjerë i “politikës”, ndërkaq pozicionimi i mediave në krah të partive politike dhe promovimi i politikave të tyre ose konfrontimi me kundërshtarët e tyre politikë, tregon se ato media nuk janë të afta të krijojnë politikat e veta dhe të pozicionohen në tregun mediatik, ndërsa ekzistenca e tyre është e mundshme vetëm nëse janë në anën e një force të caktuar politike.

Linku për te artikulli origjinal: FOTO-LAJM/ Hasanbeg: Populli në baltë, Ministrat e BDI-së shkojnë me veshje të shtrenjta!

Data dhe koha e publikimit: 11.08.2016

Data e recensionit: 13.08.2016

Recensues: Agron Vrangalla

Një pjesë bukur e madhe e portaleve në vendin tonë janë të ndara në bazë të orientimeve të tyre politike. Kjo vërehet shumë lehtë, mjafton të vizitosh faqet e tyre dhe do shohësh një lum tekstesh që flasin ‘pro’ apo ‘kontra’ një partie politike. Në fakt, që të dy opsionet janë të gabuara. Mediat duhet të kenë politikat e tyre në kuadër të një kontrate që është vula e veprimtarisë mediatike: kontrata me publikun. Në asnjë mënyrë nuk duhet manipuluar me pozicionin publik që kanë mediat. Ato i flasin një grupi të madh të njerëzve, të cilët kërkojnë nga mediat informim transparent dhe gjithpërfshirës, e jo propagandë politike.

Fjalia e parë e lajmit në fjalë është në rregull, por më pas, situata ndryshon. Në të bëhen disa konstatime lidhur me veshjen e ministrave që vizitojnë banorët e prekur nga vërshimet. T’i futesh analizës se a janë apo s’janë “firmato” veshjet e ministrave, është pak e tepruar, edhe pse veshja solemne gjatë vizitave të zyrtarëve në vende të përfshira me fatkeqësi natyrore nuk është adekuate, dhe mund të shkaktojë reagime. Ja se si thuhet kjo në përmbajtje:

“Por, përderisa banorët përballen me gjendjen e mjerueshme, aty shkojnë funskionarë të lartë të BDI-së me veshje që konsiderohen si ‘firmatot’ më të shtrejta aktualisht në trendet botërore, ndërsa këtë gjë së fundmi e ka bërë Ministri i Ekonomisë, Driton Kuçi, i cili ka patur të veshur një bluzë të brendit “Lacoste” që kushton me qindra euro, normalisht nëse është origjinal.”

Edhe ne, si një shtresë jo aq e pasur e shoqërisë, arrijmë që ndonjëherë të veshim rroba “firmato” siç i quan autori, por kjo nuk do të thotë asgjë. Domethënë, ta marrësh këtë aspekt dhe ta përdorësh për gjoja “shfrenimin” e ministrave në blerjen e garderobës kostoze, nuk është varianti më i mirë për t’u bërë kritikën funskionarëve politik, sidomos kur bëhet fjalë për një bluzë jo aq të pazakonshme, e cila edhe nuk kushton “qindra euro”, sa pretendohet në tekst. Më pas, në tekst theksohet se “nuk dihet” nëse kjo bluzë është origjinal apo fallco, gjë që e shton akoma më shumë ironinë e tij.

Mos të flasim për pjesën e sigurimit të burimeve, deklaratave apo diçkaje tjetër, që duam apo s’duam ne, i kërkon gazetaria dhe rregullat profesionale. Me sa duket, kjo është një kërkesë e tepërt për këtë lajm, që është bërë vetëm për qëllime sarkastike, por me kreativitet të pamjaftueshëm.

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAPHIC

TRUTHFULNESS

nuk ka fakte

nuk mund të përcaktohet saktësia e pohimeve

SOURCES OF INFORMATION

nuk ka burime të evidentuara

EXTENSIVENESS

jogjithëpërfshirës

informata të fshehura

BIAS

nuk mund të përcaktohet

ka shtrembërim të së vërtetës (spin)

informata të rrejshme

është i njëanshëm

anshmëri politike

COMMENTING

ka elemente të komentimit

të integruara me faktet

PLAGIARISM

vepër origjinale

TITLE QUALITY

dezinformon

jokreativ

senzacionalist

joadekuat

tendencioz

PHOTOGRAPH

adekuate

manipulon

nuk është theksuar autori (burimi)

HATE SPEECH

gjuhë ofenduese

nuk ka gjuhë të urrejtjes

nuk nxit për përdorimin e dhunës

nuk diskriminon

EDITED FOR THE WEB

i lexueshëm

nuk aplikohet

nuk ka linke kontekstuale

i rregulluar në aspekt stilistik

i palidhur me tag-e

Shërbim për verifikim të fakteve në media