Mund të informosh edhe pa qenë tendencioz
Published in Recensione
on 4 - 02 - 2016 Author: Adrian Kerimi[Recension: “SKANDAL: Zoran Zaev pa e dhënë ‘bombën’ e ‘Monstrës’, kërkon votën e shqiptarëve në Hasanbeg”]
Lexueshmëria nuk arrithet vetëm me tituj dhe shkrime tendencioze dhe duke komentuar ngjarjet. Të njëjtën mund ta bësh edhe me lajme profesionale dhe kritika konstruktive. Lajmi apo informacioni dallon nga komenti dhe mendimi personal. Të dy janë zhanre gazetareske, por dy forma të ndryshme ose thënë ndryshe duhen botuar në dy rubrika të veçanta.
Linku deri te artikulli origjinal: “SKANDAL: Zoran Zaev pa e dhënë ‘bombën’ e ‘Monstrës’, kërkon votën e shqiptarëve në Hasanbeg”.
Data dhe koha e publikimit: 27.01.2016
Data e recensionit: 29.01.2016
Recensues: Adrian Kerimi
Autori i këtij shkrimi ka komentuar vizitën e Zoran Zaevit në Hasanbeg të Shkupit dhe njëkohësisht e akuzon atë për mospublikimin e dëshmive për rastin “Monstra”.
Lajmin për ardhjen e tij në lagjen e banuar me shqiptarë, nga e cila edhe vijnë dy nga të gjykuarit me burg të përjetshëm në rastin e montuar “Monstra”, e ka bërë të ditur ditën e djeshme pronari i lokalit “Fortuna” në një postim të tij në rrjetin social facebook, i cili kishte njoftuar se pijet do të jenë FALAS për pjesmarrësit në këtë takim.
Pijet falas nuk janë elementi kryesor i këtij lajmi për tu vendosur në krye të tij. Madje kjo pjesë në mënyrë indirekte aludon në fajësimin e pronarit të lokalit për siç thuhet më posht, ndihmën që i jep Zaevit për “të luajtur me ndjenjat e shqiptarëve”.
Zoran Zaev vazhdon të manipuloj me ndjenjat e shiptarëve në këtë rajon, ndërsa një grup shqiptarësh për “t’i shitur lëngjet”, i ndihmojnë atij.
Sipas Kodit etik, për shprehjen “një grup shqiptarësh për “t’i shitur lëngjet”, i ndihmojnë atij”, gazetari duhet të mbaj përgjegjësi.
Propaganda për të diskriminuar një personi në aspektin politik, nuk është punë e gazetarit. Aq me tepër, kategorizimi i qytetarëve të rëndomtë si bashkëfajtor për zhvillimet politike. Këtë të drejtë nuk e gëzon gazetari. Ka të drejtë ta hapë si çështje, por jo duke dhënë qëndrime, pasi fundja fotografitë e bashkëngjitura në tekst, dëshmojnë të kundërtën.
Pjesëmarrësit në këtë takim mund të numroheshin në gishta, ndërsa një pjesë e mirë e tyre ishin fëmijë.Komentuesit në rrjetin social facebook janë shprehur të zhgënjyer për gjendjen e shqiptarëve në të cilën kanë arritur, ndërsa kanë akuzuar organizuesit e këtij takimi me tradhëti kundrejt idealeve të shqiptarëve.
Nuk është etike që gazetari të fajësojë qytetarët për gjendjen në të cilën kanë arritur. Etike dhe profesionale do të ishte nëse në tekst, gazetari do të kishte sjellë ankesat që banorët i kanë adresuar kreut të LSDM-së, Zoran Zaev dhe të dhënat deri ku është procesi i rastit “Monstra”. Kujtojmë se Kodi etik i gazetarëve, gjithashtu në aspektin e (kundër) propagandimit politik, përcakton qartë se: “Çdo lloj publikimi komercial, si dhe propagandë politike që nuk janë të veçuara sakt vlerësohen si shkelje e rëndë e standardeve profesionale”.
INFOGRAPHIC
TRUTHFULNESS
ka fakte
pohimet jo të sakta
deklarata të vërteta
SOURCES OF INFORMATION
nuk mund të përcaktohet
një palë
EXTENSIVENESS
gjithëpërfshirës
informata të fshehura
BIAS
Jo
ka shtrembërim të së vërtetës (spin)
informata të rrejshme
mban anën e një pale
anshmëri politike, anshmëri komerciale
COMMENTING
ka elemente të komentimit
të ndara nga faktet
PLAGIARISM
nuk mund të përcaktohet
nuk është theksuar autori, nuk është theksuar burimi
TITLE QUALITY
nuk informon
jokreativ
josenzancionalist
joadekuat
tendencioz
PHOTOGRAPH
ka
adekuate
informon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
diskriminon
diskriminim politik
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e