Një titull që premton më shumë se sa thotë teksti

on 22 - 10 - 2015 Author: Fatlume Dervishi

Ina - Ahmeti braktis shoket e luftes, mbetet vetem me Grubin

[Recension: “Ahmeti braktis shokët e luftës, mbetet vetëm me Grubin”]

Nuk është profesionale të nisësh tekstin me një titull spekulativ dhe të shpresosh që në kurriz të tij të nxisësh interesim që publiku të lexojë një tekst të mbushur me komente dhe spekulime të pabaza dhe joserioze.

Linku për te artikulli origjinal: “Ahmeti braktis shokët e luftës, mbetet vetëm me Grubin”
Data dhe koha e publikimit: 15.10.2015
Data e recensionit: 19.10.2015
Recensues: Fatlume Dervishi

“Ahmeti braktis shokët e luftës, mbetet vetëm me Grubin” – është një titull shumë i madh për t’i dhënë kaq pak në brendi të tekstit. Dhe kjo “pak” të jetë e bërë me kaq shumë joprofesionalizëm.

Që në paragrafin e parë vërehet se gazetari ka trajtuar një çështje për të cilën nuk ka asnjë informacion i cili mund të jetë i besueshëm.

“Pas largimeve të shumta në BDI, drejtuesi i këtij subjekti politikë, Ali Ahmeti ka mbetur pothuajse i vetëm. Agjencia e lajmeve INA mëson se grupet dhe fraksionet e shumta në parti, kanë bërë që Ahmeti të mos i bësoj më askujtë.”

Ky tekst nuk ka tregon se përmes cilave burime ka ardhur autori deri te këto informacione dhe sa relevante janë ata burime. Çdonjeri do ta lexonte këtë tekst me një sy kritik sepse nuk mjafton vetëm të thuhet “Agjencia e lajmeve INA meson…” por edhe si e mësoi këtë.

Autori në tekstin e tij përmend tre pika fokusimi mbi të cilat ka ndërtuar çasjen e tij informuese:

E para; ai thotë se “Ali Ahmeti ka mbetur i vetëm” dhe nuk i beson më askujt në partinë e tij.

E dyta; autori thotë se “ai tanimë ka ‘varur pushkën’ vetëm tek deputeti Artan Grubi”.

E treta; autori përfundon se “Kjo si duket ka revoltuar akoma më shumë disa nga themeluesit e partisë, të cilët nuk pajtohen asesi me faktin që Grubi të bëhet personi numër 1 në parti”.

Të tre palët e theksuara në tekst është dashur të shrytëzohen si burime informacioni me qëllim që teksti të fitonte peshë dhe të hynte në kuadrin e një informimi serioz, pa komente të autorit dhe me një çasje shumë më serioze dhe profesionale, ashtu si duhet të jetë një lajm.

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAPHIC

TRUTHFULNESS

nuk ka fakte

nuk mund të përcaktohet saktësia e pohimeve

nuk mund të përcaktohet vërtetësia e deklaratave

SOURCES OF INFORMATION

ka burime të evidentuara

anonime

nuk mund të përcaktohet

një palë

EXTENSIVENESS

jogjithëpërfshirës

ndoshta ka informata të fshehura

BIAS

pjesërisht e paraqet të vërtetën

nuk mund të përcaktohet

është i njëanshëm

COMMENTING

ka elemente të komentimit

të integruara me faktet

PLAGIARISM

vepër origjinale

TITLE QUALITY

dezinformon

jokreativ

josenzancionalist

joadekuat

tendencioz

PHOTOGRAPH

adekuate

as manipulon as informon - është vënë vetëm si ilustrim

nuk është theksuar autori (burimi)

HATE SPEECH

nuk ka gjuhë ofenduese

nuk ka gjuhë të urrejtjes

nuk nxit për përdorimin e dhunës

nuk diskriminon

EDITED FOR THE WEB

i lexueshëm

nuk ka elemente multimediale

ka linke kontekstuale

pjesërisht i rregulluar në aspekt stilistik

i palidhur me tag-e

Shërbim për verifikim të fakteve në media