Pamflet politik për njollosjen e Vanhatues
Published in Recensione
on 31 - 03 - 2016 Author: Владо Ѓорчев
[Recension: Delegacioni i BE-së përsëri distancohet nga Van Haute]
Nga aeroplani shihet se qëllimi i vërtetë i tekstit që e recensojmë është të njolloset eksperti Van Haute, që nga ana tjetër, është në vijë me qëndrimet dhe veprimet e partisë në pushtet kur bëhet fjalë për negociatorin belg. Anshmëria politike e këtij publikimi tendencioz është i dukshëm nga konstruksioni i titullit, e deri te rreshti i fundit. Мateriali më shumë i ngjan pamfletit politik se sa produktit gazetaresk.
Linku deri te artikulli origjinal: Delegacioni i BE-së përsëri distancohet nga Van Haute
Data dhe koha e publikimit: 25.03.2016, 18:16
Data e recensionit: 29.03.2016
Recensues: Vllado Gjorçev
AKUZA TË PAKONFIRMUARA
Në artikull nuk ka dëshmi të vërtetë se Zyra e BE-së në Shkup është distancuar nga Vanhaute, siç thuhet në titull. Reagimi i përmendur nuk është linkuar dhe atë e publikuan vetëm mediet që e favorizojnë partinë në pushtet. Përndryshe, reagimi të cilit i referohet teksti, nuk gjendet në ueb-faqen e Delegacionit të BE-së në Shkup.
Poashtu, edhe në reagimin që përmendet në këtë tekst askund nuk mund të shihet se BE-ja distancohet nga Vanhaute.
Delegacioni i Bashkimit Evropian në Shkup i merr me seriozitet të madh akuzat për keqpërdorimin e fondeve IPA dhe çdokush që posedon informatë të tillë duhet ta dorëzojë në OLAF.
Problematik është edhe pohimi se kjo ndodh përsëri. Në artikull nuk ka tekste të linkuara me të cilat mund të konfirmohet se edhe më parë ka pasur ndonjë distancim nga ana e delegacionit të BE-së.
KONSTRUKSION SPINUES
Sot, në ditën e fundit të punës, si ndërmjetësues, me gjasë, më i keq dhe më i anshëm në histori, Piter Vanhaute bëri thirrje për marrjen e pushtetit me dhunë. Për provokatorin flaman – ndryshimi i pushtetit në zgjedhje tashmë nuk është opcion.
Në artikull nuk ka argumente për pohimet e këtilla. Teza, me gjasë, është bazuar në intervistën e Vanhautes për “Deutsche Welle“, nga e cila është nxjerë konteksti një fragment nga përgjigja e tij në pyetjen: “Kriza politike në Maqedoni zgjat më shumë se një vit dhe nuk shihet ndonjë zgjidhje. Sipas jush, cila është pengesa më e madhe?”
Në interes të së vërtetës duhet thënë se Vanhaute në kuadër të një elaborimi pak më të gjerë të temës së zgjedhjeve, në intervistën e përmendur thotë:
Pengesa më e madhe për përfundim pozitiv është mungesa e vendosmërisë nga ana e bashkësisë ndërkombëtare. Pothuajse është e pamundur për qytetarët lokalë ta kthejnë shoqërinë në gjendje normale. Ndryshimi i regjimit nëpërmjet zgjedhjeve më nuk është opcion. Mbështetja ndërkombëtare është alternativa e vetme, dhe nevojitet veprim urgjent. Ky veprim duhet të rezultojë me krijimin e qeverisë teknike ad-hoc për së paku 2-3 vjet, kohë kjo që nevojitet për zgjidhjen e problemeve të shumta, në menaxhmentin financiar, gjyqësinë, arsimin dhe mediet, me të cilat ballafaqohet vendi.
Mirëpo, në përmbajtjen mediatike që i nënshtrohet këtij recensioni dhe ku kanë dështuar krejtësisht standardet gazetareske, qëllimisht bëhet konstruksion spinues dhe krejtësisht shtrembërohet qëllimi i asaj që e ka thënë Vanhaute.
Në fund të kësaj papazjanie prej teksti, që është shkruar me fjalor ofendues, në mënyrë të pashmangshme përmendet edhe Fondacioni shoqëri e hapur Maqedoni (FSHHM). Me këtë rast, theksohet se Vanhaute dhe ish-drejtori i FSHHM-së, janë “kapur në kafene”! E kjo, sipas perceptimit që krijohet, paraqet mëkat të madh!
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare, jozyrtare
relevante, jorelevante
më tepër burime
më tepër palë
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori, është theksuar burimi pa link
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk aplikohet
nuk ka linke kontekstuale
pjesërisht i rregulluar në aspekt stilistik
i lidhur me tag-e