Pjellë mediatike e propagandës
Published in Recensione
on 24 - 01 - 2017 Author: Зоран Бојаровски
[Recension: Mercenarët laramanë të Sorosit u nisën kundër Trampit njësoj sikurse në Maqedoni]
Thjesht është e pahijshme, e palejueshme, joprofesionale që një përmbajtje mediatike me pretendime të tilla siç implikon titulli i saj, në gjithë konstruksionin e saj të mos i referohet asnjë burimi. Prandaj, veprimi i tillë e bën tekstin që e recensojmë fryt të propagandës për përdorim të brendshëm, për përhapjen e dezinformatave shumë të qarta për atë se kush qëndron prapa protestave në Shtetet e Bashkuara të Amerikës gjatë inaugurimit të kryetarit të ri, Donald Tramp.
Pse? Për shkak se rregull elementar i gazetarisë, etike dhe profesionale, është që pohimet në tekstet gazetareske të mbështeten me burime të cilat do ta konfirmojnë ose së paku do të jenë indikator se prapa protestave në Uashington dhe në qytetet tjera qëndron Xhorxh Sorosi. Kjo e bën këtë tekst joreal në qëllimin e tij që t’i barazojë protestat në SHBA me ato të “Revolucionit laraman” në Republikën e Maqedonisë.
Linku deri te artikulli origjinal: Mercenarët laramanë të Sorosit u nisën kundër Trampit njësoj sikurse në Maqedoni
Data dhe koha e publikimit: 22.01.2017, 20:02
Data e recensionit: 23.01.2017
Recensues: Zoran Bojarovski
PËRHAPJE E DEZINFORMATAVE
Që t’i mbështesim me argumente përfundimet tona në këtë recension, nisëm të kërkojmë dëshmi. Me veglën “Search Google for Image”, së pari i identifikuam fotografitë me të cilat është bërë kolazhi për ilustrim ku shkruan “Ferri i Sorosit”. I lamë anash disa nga fotografitë që nuk kanë lidhje me protestat me rastin e inaugurimit, dhe i zgjodhëm ato që janë autentike dhe i kërkuam lajmet që qëndrojnë prapa atyre fotografive. Ja tre prej tyre nga mediet relevante dhe reale: “CBS News”: Trump inauguration protest damages parts of downtown Washington, “The Telegraph”: Donald Trump protests: Limo ‘set on fire’ and 217 arrested as police use tear gas on black-clad activists, “New York Times”: Inauguration Protesters and Police Clash on Washington’s Streets.
Në asnjërën nga këto medie nuk përmendet Sorosi. As “revolucione laramane”, as OJQ… Kjo mjafton që tekstin që e recensojmë ta shpallim si pjellë të propagandës, që është i dedikuar, siç thamë, për (keq)përdorim të brendshëm.
Në favor të pohimit në këtë recension shkon edhe ajo se madje dy të tretat e tekstit, e bile edhe më shumë, i janë kushtuar gjenezës dhe karakteristikave të “Revolucionit laraman” në Maqedoni, duke tentuar t’i bind lexuesit se edhe ata në SHBA janë identikë me “laramanët”, mirëpo nuk kanë sukses…
Lexuesit e kujdesshëm gjtihsesi se do të pajtohen se ky tentim është i dështuar edhe përkundër titullit tendencioz dhe manipulues, si dhe kolazhit të bër me fotografi nga “Revolucioni laraman” dhe protestat në SHBA.
Poashtu, ky qëllim zbulohet edhe me komentet e futura, të integruara, të cilat, në mungesë të argumenteve që duhet të vijnë nga burimet, kanë për qëllim t’i kompensojnë mangësitë e tekstit.
INFOGRAPHIC
TRUTHFULNESS
pjesërisht
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
manipulon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
diskriminon
diskriminim politik
EDITED FOR THE WEB
i lexueshëm
nuk ka elemente multimediale
nuk ka linke kontekstuale
i rregulluar në aspekt stilistik
i palidhur me tag-e