Propaganda godet lajmin!
Published in Recensione
on 21 - 03 - 2016 Author: Xhenis Sulimani
Recension: Shqiponja Beqir Asani godet nga Italia (FOTO EKSKLUZIVE)
Jo çdo lëvizje trupore e politikanëve është lajm. Jo çdo udhëtim i tyre jashtë vendit është lajm. Jo çdo e thënë e tyre është lajm. Nëse në një përmbajtje mediatike tentohet që veprimet e mësipërme të paraqiten si lajm, dukshëm vihet në pah tendenca për të bërë propagandë që është e ngjyrosur partiakisht, ngjyrë kjo që i njollos gazetarët dhe i zhvesh nga misioni i tyre dhe profesionalizmi.
Linku deri te artikulli origjinal: “Shqiponja Beqir Asani godet nga Italia (FOTO EKSKLUZIVE)”
Data dhe koha e publikimit: 16.03.2016
Data e recensionit: 21.03.2016
Recensues: Xhenis Sulimani
Lajmi që po e recensojmë është shembull tipik për gazetari në shërbim të një partie apo politikani, e jo në shërbim të interesit të përgjithshëm. Për faktin se, thjeshtë, nuk mund të jetë çështje e interesit publik “bërja e shqiponjës dykrenare me duar” nga ndonjë politikan, së paku jo në një kontekst të këtillë.
“Kryetari i degës së BDI-së në Çair, Beqir Asani, këto ditë po qëndron në Itali ku në një foto ai është parë duke bërë shqiponjën dy krenare.”
Madje, nuk është bërë publike nëse politikani në fjalë ka qenë në ndonjë vizitë zyrtare apo private jashtë vendit. Në interes të përgjithshëm është të bëhet i ditur qëllimi i udhëtimit të politikanit, nëse është zyrtar, nëse ka të bëjë me ndonjë lobim apo veprime të ngjashme. Ndërkaq, vënia në theks e bërjes së shqiponjës me duar, dhe dhënia e cilësimeve ‘shqiponjë’ që ‘godet’ për të apostrofuarin që në titull, po të mos kishte qenë komike, do të ishte për të qarë – për rubrikën e lajmeve, është jashtë çdo standardi profesional.
Ky ‘lajm’ me përmirësime ndoshta do t’ia vlente të botohet në rubrikat për ‘VIP’ personat, ose në shtypin rozë. Por, në informacionin që pretendon të jetë serioz, për qytetarët është shumë më me rëndësi të njoftohen për veprimet dhe qëndrimet e politikanit Beqir Asani, se sa për bërjen e shqiponjës me duar në mes të peizazheve të bukura natyrore me borë diku në Itali.
Kodi etik i gazetarisë na mëson se: “Gazetaria e mirë dhe etike është në interes të publikut. Ajo ofron informacione të sakta, të provuara, të balancuara. Kjo gazetari është zëri i publikut. Kjo gazetari nuk është dhe nuk guxon të jetë e partizuar dhe patjetër të bëjë dallim mes fakteve, komentit dhe opinioneve – duke bërë praktikisht dallimin nga gazetaria propaganduese, të shitur ose nga tabloidet – që kënaqin disa qëllime ose interesa tjera dhe të cilat nuk respektojnë Kodin”.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
1 burim
një palë
EXTENSIVENESS
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk ka informata të rrejshme
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
informon
senzacionalist
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e