Recension: 400 punësime në shëndetësi, a do të ketë përfaqësim të drejtë
Published in Recensione
on 12 - 12 - 2013 Author: Gent MehmetiArtikull që drejtëpërdrejtë ndeshet me pikën e trembëdhjetë (13) të Kodeksit të Gazetarëve, e cila thotë:
“ Gazetarët duhet të bëjnë dallim ndërmjet fakteve dhe mendimeve, ndërmjet lajmit dhe komenteve.”
Në këtë artikull figuron tendenca për paraqitje të parashikimeve dhe mendiveme personale si fakte. Autori bën bujë rreth 400 punësimeve të reja në Ministrinë e Shëndetësisë, por në kontekst të përfaqësimit të drejtë, të cilin ai e vë në pikpyetje për shkak të vlerësimeve personale të situatës. Kjo përbën një dukuri negative që nuk duhet toleruar gjatë raportimit.
Linku deri te artikulli original: 400 punësime në shëndetësi, a do të ketë përfaqësim të drejtë
Data dhe koha e publikimit: 27.11.2013
Data e recensionit: 02.12.2013
Recensues: Gent Mehmeti
Vërtetësia: Vërtetësia menjëherë hidhet poshtë, pasi që në këtë rast bëhet fjalë për ngjarje të cilat ende nuk kanë ndodhur. Autori funksionon si një lloj “parashikuesi i të vërtetës”, i cili tenton që me vlerësimet e veta të ndikon mbi kualitetin e përgjithshëm e informacionit. Gjatë tekstit vërehen deklarata dhe burime, të cilat janë përdorur me qëllim të vetëm që të transmetohen sipas preferencave të autorit.
Burimet e informatave: Në artikull mund të gjejmë një burim të vetëm, dhe atë deklaratën e ministrit Nikolla Todorov, e cila përbën bazën e pjesës më të madhe të konstatimeve të dhëna në artikull. Veç këtij burimi, nuk gjenden burime të tjera dhe teksti stagnon në përmbushjen e kriterit të gjithpërfshirjes.
Përmbajtësia: Menjëherë bie në sy se përmbajtja përbëhet më tepër nga komentet se faktet. Një pjesë e informacionit ka të bëjë me risitë në Ministrinë e Shëndetësisë, mirëpo pjesa tjetër intriguese, e cila thith vemendjen e opinionit, jo vetëm që nuk ka të bëjë me risinë, por anon edhe kah shpifjet me cak dhe mund të kualifikohet si spin.
Anshmëria: Duke marur parasysh se autori është shërbyer me supozime dhe kontekste për të kritikuar pozitën e faktorit qeveritar shqiptar, ekzistojnë shenja që na lejojnë të dyshojmë në anshmëri dhe raportim të pabalancuar.
Origjinaliteti/Plagjiatura: Nuk ka shenja të plagjiaturës. Artikulli është vepër origjinale.
Kualiteti i titullit: Titulli është jo kreativ dhe I papërshtatshëm. Ai tenton të krijojë senzacionalizëm, shikueshmëri dhe bujë. Ndër të tjera, titulli nuk arrin që të përqëndrohet as në rregullat themelore të sintaksës, duke përfunduar kështu fjalinë pyetësore me shenjë të gabuar të pikësimit, por edhe duke lidhur dy fjali të tëra në një të vetme pa justifikuar këtë me shenjë përkatëse pikësimi.
Fotografia: Fotografia tregon tabelën para Ministrisë së Shëndetësisë dhe nuk është në asnjë mënyrë e dobishme për përshkruarjen e përmbajtjes.
Përfundimi: Thyerja e disa nga parimeve kryesore, bën që ky artikull të dështon në tentimin për tu plasuar si kontribut legjitim I autorit. Komentet dhe plasimi i parashikimeve me qëllim që të ndikohen mbi përmbajtjen, janë praktikë që nuk duhet toleruar. Liferimi i informatave të gjymtuara në këtë mënyrë, mundet të ketë konsekuenca mbi opinionin e gjërë, ndaj dhe parandalimi i të njejtave duhet të jetë në plan të parë tek ushtruesit e pushtetit të katërt.
INFOGRAPHIC
TRUTHFULNESS
nuk ka fakte
deklarata të sakta
deklarata të vërteta
SOURCES OF INFORMATION
ka burime të evidentuara
zyrtare
jorelevante,
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori, është theksuar burimi pa link
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon është vënë vetëm si ilustrim
nuk është theksuar autori (burimi)
HATE SPEECH
nuk ka shprehje të urrejtjes
nuk ka shprehje të urrejtjes
nuk nxit dhunë
nuk diskriminon
EDITED FOR THE WEB
nuk aplikohet