Recension: Kush e ngulfat Çarshinë e vjetër të Shkupit?
Published in Recensione
on 14 - 08 - 2014 Author: Љубомир Костовски
Ngjarja që ndodhi gjatë fundjavës në Çarshinë e vjetër, e për të cilën informuan praktikisht të gjitha mediat dhe për të cilën u debatua gjatë në rrjetet sociale, demolimi i pretenduar i lokalit “Nju Orleans”, është temë që është trajtuar edhe në këtë artikull. Hapja e vonuar e këtij rasti arsyetohet me faktin se teksti nuk bazohet në dëshmitarë okularë dhe persona që kanë dëgjuar për rastin nga dora e dytë, por se përpiqet në vendin e ngjarjes të sigurojë informata. Për çudi, ata e ndryshojnë fotografinë e cila zuri vend te lexuesit pas vlerësimeve të para për ngjarjen.
Linku deri te artikulli origjinal: Kush e ngulfat Çarshinë e vjetër të Shkupit?
Data dhe koha e publikimit: 11.08.2014, 18:58
Data e recensionit: 12.08.2014
Recensues: Ljubomir Kostovski
Restorani dje punoi në mënyrë normale. Disa mysafirë u kënaqën me kafen dhe birrën e ftohtë në tavolinat që gjendeshin jashtë lokalit. Kontrolluam dy herë, dritaret nuk ishin thyer. Pastër ishte edhe brenda, banaku ishte në gjendje të mirë.
“Unë nuk isha në punë, por kolegët më thanë se nuk ka ndodhur asgjë serioze, e as që ka pasur thyerje dhe sulme mbi të punësuarit”, na thanë nga personeli i loklait “Nju Orleans”.
Edhe në policinë e Shkupit shprehën çudi me “peshën” me të cilën u prezantua incidenti gjatë fundjavës në Çarshinë e vjetër të Shkupit.
Pasi ka ardhur deri te njohuritë se i gjithë rasti, me gjasë, është fryrë, autori ka zhvilluar një bisedë me dy emra të njohur – mysafirë të rregullt në Çarshi, të cilët janë të njohur për mediat. Njëri prej tyre (Petrit Saraçini) vlerëson se për këtë ngjarje nuk është raportuar në mënyrë profesionale. Ndërsa, tjetri (Xhabir Deralla) thotë se lehtë manipulohet me ngjarjet në Çarshi dhe me emociaonet, dhe se ajo është viktima e parë e marrëdhënieve ndërnacionale.
Mirë është, gjithsesi kur ndonjë artikull përpiqet që informatat t’i kërkojë në vendin e ngjarjes. Akoma jemi të çuditur se si disa artikuj flisnin nga aspekti i dëshmitarëve të drejtpërdrejtë të ngjarjes. Veçanërisht dallohet teksti “Mbrëmë në çarshi“, i cili nëpërmjet përshkrimeve të rrahjes dhe motiveve frikëson. Në fakt edhe vetë pushteti reagoi në atë mënyrë – përsëri pamë në ekranet e vogla se si dy fajtorë, të cilët gjoja qenkan provokuar nga kënga “Plasaritet Mali Sharr”, dhe kanë bërë “kërdi” në lokal, janë arrestuar në mënyrë spektakolare. U dhanë informatat e tyre personale, u theksua se janë edhe autorë të mëparshëm të veprave të ngjashme!
Nëse sot policia thotë se kjo është një rrahje banale, pse atëherë nuk i kërkon falje publikut dhe të arrestuarve, për shkak se tashmë publikisht i komprometoi për diçka që do të thotë mbjellje e urrejtjes nacionale. Nëse, informata e mëvonshme nuk është e saktë, atëherë ajo duhet ta qortojë nëpunësin se është duke e minimizuar një problem që nuk është për t’u nënçmuar?!
Kjo do të thotë se para nesh kemi tekst i cili kërkon që nga kjo ngjarje të ketë së paku edhe një kontribut ku duhet të qartësohet gjithçka që e shoqëroi këtë incident të vogël ose të madh. Kështu, mbetet diçka e paqartë , ndërsa reagimet e para janë akoma më të fuqishme dhe më dominante.
INFOGRAPHIC
TRUTHFULNESS
ka fakte
deklarata të sakta
pjesërisht
SOURCES OF INFORMATION
ka burime të evidentuara
zyrtare
relevante
më tepër burime
më tepër palë
EXTENSIVENESS
ndoshta ka informata të fshehura
BIAS
pjesërisht e paraqet të vërtetën
nuk mund të përcaktohet
nuk ka informata të rrejshme
është i balancuar
COMMENTING
nuk ka elemente të komentimit
të ndara nga faktet
PLAGIARISM
vepër origjinale
është theksuar autori
TITLE QUALITY
informon
kreativ
josenzancionalist
adekuat
i qartë
PHOTOGRAPH
ka
adekuate
as manipulon as informon është vënë vetëm si ilustrim
është theksuar autori (burimi)
HATE SPEECH
nuk ka shprehje të urrejtjes
nuk ka shprehje të urrejtjes
nuk nxit dhunë
nuk diskriminon
EDITED FOR THE WEB
i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e