Recension: Në Ohër bën grevë LSDM-ja
Published in Recensione
on 4 - 02 - 2015 Author: Владо Ѓорчев
Ky është tekst i njëanshëm, në të cilin mungon pala kryesore e interesuar. Është transmetuar një informatë e cila është pjesërisht e saktë dhe e cila shërben për manipulim. Informatat në tekst janë të njëanshme dhe nuk mund të vërtetohet relevanca e tyre.
Linku deri te artikulli origjinal: Në Ohër bën grevë LSDM-ja
Data dhe koha e publikimit: 02.02.2015, 11:23
Data e recensionit: 03.02.2015
Recensues: Vllado Gjorçev
Që në titull nuk jepet pasqyrë e saktë për atë që është duke ndodhur. Titulli “Në Ohër bën grevë LSDM-ja” dezinformon, edhe pse roli i tij është të informojë në mënyrë të saktë dhe të vërtetë. Qëllimi është të sugjerohet se grevë bën LSDM-ja ose anëtarët e kësaj partie, ndërsa artikulli ka të bëjë me grevën e anëtarëve të SASHK-ut, që, nga ana tjetër, nuk ka asnjë lidhje me partinë opozitare. Pse atëherë do të bënte grevë LSDM-ja?
Nga ana tjetër, aspak nuk është me rëndësi se a janë anëtarë ose simpatizues të ndonjë partie për shkak se kjo është grevë e arsimtarëve, ku nuk përjashtohet mundësia të ketë edhe grevistë që janë anëtarë të ndonjë partie. E drejta për grevë është e garantuar edhe me Kushtetutë, pa marrë parasysh përkatësinë politike, kështu që është jorelevante se a janë ata anëtarë të ndonjë strukture politike.
Më poshtë në tekst janë emërtuar vetëm ato persona që janë të afërt ose që kanë lidhje familjare me njerëz të afërt të opozitës. Sipas raporteve, në shumë media numri i personave që bëjnë grevë është shumë, shumë më i madh për dallim nga numri i vogël i atyre që janë përmendur në tekst. Mirëpo, me vetë përmendjen e këtyre pak njerëzve bëhet manipulim me qëllim që publiku të fitojë përshtypje se të gjithë grevistët janë anëtarë të LSDM-së, si dhe se ky grup (që është veçuar) i udhëheq grevistët. Asnjëra nga këto përshtypje të imponuara në mënyrë diskrete mbi publikun lexues nuk është se saktë, e as që ka ndonjë argument për to.
Në tekst thuhet:
Greva ka filluar pa votim dhe pa asnjë procedurë demokratike, pa dëshirën e shumicës së profesorëve.
Kjo nuk është e vërtetë, për shkak se mediat publikuan informata krejtësisht të tjera.
Një grup profesorësh nga shkolla e mesme e Ohrit “Shën Klimenti i Ohrit” deri te drejtori i shkollës sot kanë dorëzuar njoftim me të cilin e informojnë se i bashkangjiten grevës së organizuar nga SASHK-u, njoftoi drejtori i shkollës, Zvonko Tërpeski.
Që teksti të jetë objektiv dhe përmbajtësor, duhet ta ketë edhe anën tjetër të tregimit. Më së paku, ka mundur që nëpërmjet telefonit të kërkohen informata plotësuese dhe të bëhen konsultime me kryetarin e këshillit grevist ose me drejtorin e shkollës që të verifikohet kjo informatë. Në këtë artikull kjo nuk është bërë.
Ky tekst ka një sërë lëshimesh. Pretendimet në të kanë mundur të verifikohen dhe ai të jetë relevant sikur të respektoheshin rregullat e gazetarisë profesionale. Njëri nga lëshimet më të rëndësishme është mungesa e organizatorit të grevës. Ky është një hap logjik, mirëpo ai nuk është bërë fare. Kështu, artikulli është gjysmak, i papërfunduar dhe manipulativ.
INFOGRAPHIC
TRUTHFULNESS
ka fakte
nuk mund të përcaktohet saktësia e deklaratave
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori, nuk është theksuar burimi
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon është vënë vetëm si ilustrim
nuk është theksuar autori (burimi)
HATE SPEECH
nuk ka shprehje të urrejtjes
nuk ka shprehje të urrejtjes
nuk nxit dhunë
nuk diskriminon
EDITED FOR THE WEB
i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e