Recension: Shqiptarët e shohin ardhmërinë në VMRO-DPMNE
Published in Recensione
on 22 - 06 - 2014 Author: Александар Писарев Raporti tradicional ndërmjet qytetarëve dhe mediave bazohet në prezantimin kreativ, të saktë dhe të mbështetur në fakte të informatave me interes publik. Atë moment kur mediat bëhen kuti postale ku çdokush mund të hudhë çka të dojë, spinimi bëhet përmbajtje e rregullt, ndërsa informatat dhe tregimet e plasuara në atë mënyrë kanë vetëm një qëllim – mendimin publik ta kthejnë në atë anë dhe në favor të interesave të porositësit të “letrës së hudhur” në kutinë postale. Me këtë rast, “komentatorët” e mendimit publik dhe shoqëria më nuk janë vëzhgues të paanshëm, por bëhen palë dhe ndërmjetësues në proceset dhe dukuritë. Tezat e tyre, sa do që të jenë të pabaza dhe pa fakte, janë të orientuara për të shkaktuar efekt të fuqishëm te lexuesit: “Shqiptarët e shohin ardhmërinë në VMRO-DPMNE”. …”Republika” zbulon se gjithnjë e më i fuqishëm ështe mendimi te shqiptarët për t’iu bashkangjitur VMRO-DPMNE-së”…
Linku deri te artikulli origjinal: Shqiptarët e shohin ardhmërinë në VMRO-DPMNE Data dhe koha e publikimit: 16.06.2014, 22:16 Data e recensionit: 17.06.2014 Recensues: Аleksandar Pisarev
“AJO QË I VJEN MIRË GJYSHES, AJO ATË E SHEH NË ËNDËRR”
Vështirë mund t’i shmanget vlerësimit se nuk është në pyetje gazetaria manipulative, kur teza kryesore, se mënyra e vetme në të cilën mund të realizohet mirëqenia në vend është VMRO-DPMNE-ja, nuk është mbështetur me fakte ose deklarata. Thirrja në … “idetë që qarkullojnë në opinion, e të cilat me “Republikën” i ndanë bashkëbiseduesit – se një numër gjithnjë e më i madh i intelektualëve shqiptarë të Maqedonisë, do t’i bashkangjiteshin VMRO-DPMNE-së, dhe mendimi i një analisti anonim i cili akoma e shqyrton “punën në terren”… kanë mundur, në qoftë se bëhet fjalë për fakte të vërteta, e jo për proces të rrejshëm politik në bllokun shqiptar, të verifikohen dhe të dëshmohen lehtë dhe duke u bazuar në burime. Në të kundërtën, bëhet fjalë për spin të hapur në dobi të partisë dhe koalicionit që është në pushtet.Për shkak se intelektualët e dalluar dhe analistët në bashkësinë etnike shqiptare shumë shpesh, guximshëm dhe haptazi me emër dhe mbiemër, i kundërvihen dhe e kritikojnë politikën që e zhvillon VMRO-DPMNE-ja. Prandaj, nuk ka arsye racionale që, …„një numër gjithnjë e më i madh i intelektualëve të arsimuar, shqiptarë të Maqedonisë, t’i bashkangjiten VMRO-DPMNE-së”… E qartë është edhe paranoja dhe dëshira të mos ketë opozitë as në bllokun politik shqiptar: “Edhe pse në kampin politik shqiptar funksionojnë disa parti, as opcioni i Osmanit, e as PPD-ja, nuk mund të konsiderohen si opozitë konkrete, të imponohen si bllok opozitar që do t’i rrezikonte pozitat e BDI-së dhe të PDSH-së”…„radikalizimi që e përmend Sela… nuk është në “filmin” e shqiptarëve, në fokusin e të cilëve është ekonomia dhe mirëqenia, atëherë mund të pritet që shqiptarët… ambiciet e tyre dhe pozitën më të mirë ekonomike-sociale ta kërkojnë nëpërmjet VMRO-DPMNE-së”…
KUR DO TË ZGJOHEMI NGA ËNDËRRA
Qëndrimi i shumë intelektualëve shqiptarë për politikën që e zhvillon VMRO-DPMNE-ja është theksuar publikisht, pa “doreza” dhe pa “syze ngjyrë vjollce si në ëndërr”. Profesori Mersel Bilalli thotë:
“Kjo fazë prej tetë vitesh e qeverisjes së VMRO-DPMNE-së do të mbahte mend në historinë e vendit si kataklizmë e rëndë njerëzore, ku është shkellur gjithçka që është njerëzore. Analistët e ardhshëm do të kenë problem serioz t’i definojnë udhëheqësit aktualë – a kanë qenë ata udhëheqës ose raste të rënda mjekësore”… Kjo fazë prej tetë vitesh e qeverisjes së VMRO-DPMNE-së do të mbahte mend në historinë e vendit si kataklizmë e rëndë njerëzore
Pse qytetarët dhe “shqiptarët maqedonas” (term i ri i cili deri tani nuk është shfrytëzuar nga mediat, e pas ndarjes në “patriotë dhe tradhëtarë” tani asocon edhe në ndarjen e shqiptarëve në “shqiptarë dhe shqiptarë maqedonas”) do të besonin në tezat e “analizuesve anonimë të punëve në terren” kur analistë seriozë nga radhët e (ja edhe ne do t’i quajmë) shqiptarëve maqedonas, kanë studiuar, konstatuar dhe publikisht, me emër dhe mbiemër, kanë publikuar se: …“Gruevski dërgoi porosi se kërkon 62 deputetë nga të “dëshiruarit” që të qeverisë pa i marrë në dorë fare “të urrejturit”. Ekspertët e psikoanalizës thonë se në trurin normal kjo assesi nuk mund të ndodhë”… “Për fat të keq, kryeministri jonë është shembulli i vetëm në botë që me vetëdije i nxit ndjenjat etnike duke krijuar sasi të mjaftueshme të urrejtjes, e cila do t’i shërbejë për të mbijetuar politikisht“. Shteti gjemdet para tre infarktesh
SPINIM I TEJDUKSHËM
Ky është një spinim i tejdukshëm në dobi të koalicionit aktual, e cili mund të përforcohet edhe me PDSH-në: …„Тhaçi tashmë fitoi tre vende drejtorësh… do t’i fotojë vendet të cilat sipas funksionit kanë bashkëpunim me kryetarin e vendit”…, por ka edhe qërim hesapesh me ata që mendojnë ndryshe nga radhët e BDI-së dhe të PDSH-së në bllokun politik shqiptar: …“Sela punon në sigurimin e përkrahjes në radhët partiake, por kjo i shkon rëndë”... Spinimi zbulohet, për shkak se një plejadë e intelektualëve të dalluar shqiptarë nuk mendojnë si …“bashkëbiseduesit me të cilët janë këmbyer idetë e analizuesve në terren”… Letra e intelektualëve shqiptarë Kim Mehmeti, Arsim Zekolli dhe Ramadan Ramadani qartë e potencon këtë:
Ne nuk mundemi, e as që kemi qëllim, ta ndalojmë epshin Tuaj për fshehjen e natyrës suaj intrigante dhe nevojën tuaj për maskim të kapitulimit të plotë para shkopit të Gruevskit”…
SPINIMI NUK ËSHTË I MUNDUR PA NDËRMJETËSIMIN E MEDIAVE
Spinimi nuk mund të realizohet dhe të arrijë deri te ata për të cilët është dedikuar, gjegjësisht deri te publiku, pa mediat që e kanë rolin ndërmjetësues. Një simbiozë e mirë dhe e sukseshme politike ndërmjet partive politike dhe mediave, e mbështetur mirë financiarisht në dobi të mediave, tregon se sa shumë mund të arrihet me spinimin. Mbrojtja e vetme nga tendencat e këtilla dhe transformimi i mediave në kuti postale për dërgimin e porosive të spinuara të politikanëve është edukimi i i gazetarëve dhe vendosja e rregullave të qarta dhe demokratike të lojë duke e respektuar plotësisht kodin dhe etikën gazetareske. Mediat duhet të jenë profesionale, ta përfaqësojnë interesin publik, e jo interesin e qendrave politike dhe t’i ndalojnë tendancat për spinim.
INFOGRAPHIC
TRUTHFULNESS
nuk ka fakte
deklratata jo të sakta
SOURCES OF INFORMATION
ka burime të evidentuara
jozyrtare, anonime
jorelevante
2 burime
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon është vënë vetëm si ilustrim
nuk është theksuar autori (burimi)
HATE SPEECH
nuk ka shprehje të urrejtjes
nuk ka shprehje të urrejtjes
nuk nxit dhunë
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e