Tekste “relaksuese” pa fakte s’janë gazetari
Published in Recensione
on 5 - 10 - 2015 Author: Xhenis Sulimani
[Recension: “Teuta me “shefat” dhe “sheficat” për peshk në Pogradec, kush i paguan?”]
Ngritja e çështjeve me rëndësi, nga gazetari, si puna e harxhimit të buxhetit të institucioneve shtetërore dhe atyre lokale është një nga detyrat themelore të gazetarisë për të përmbushur misionin e të qenurit në shërbim të të mirës së përgjithshme.
Linku deri te artikulli origjinal: Teuta me “shefat” dhe “sheficat” për peshk në Pogradec, kush i paguan?
Data dhe koha e publikimit: 01.10.2015
Data e recensionit: 05.10.2015
Recensent: Xhenis Sulimani
Teksti që po e recensojmë me të drejtë ngre çështjen e harxhimit të parave të buxhetit nga kryetarja e komunës së Tetovës.
“Kryetarja e komunës së Tetovës Teuta Arifi bashkë me “shefat” dhe “sheficat” sot po qëndrojnë në Pogradec për të ngrënë peshk për drekë. Siç mëson portali TetovaSot kryetarja e komunës ka udhëtuar me veturën e saj zyrtare ndërsa “shefat” dhe “sheficat” e komunës me furgon nga një kompani e Nerashtit. Kjo drekë e posaçme është në llogari të komunës dhe në dëm të buxhetit ku në fund ju faturohet qytetarëve tetovarë.”
Megjithatë gazetari nuk është munduar të jap ndonjë fakt se dreka e kryetares Arifi është “drekë relaksuese e kryetares dhe stafit të saj pas punëve të lodhshme që kanë pasur pas vërshimeve.” Asgjë në tekst dhe asnjë në fotografi (e cila nuk është as fotografi e ngjarjes) nuk është tregues që dreka për të cilën flet autori i tekstit ndikon në zbrazjen e buxhetit të komunës së Tetovës. Akuzat janë të pabaza dhe autori i tekstit nuk është treguar serioz në trajtimin e çështjes që ka ngritur.
Nga ana tjetër, autori në tekst nuk ka as “palën tjetër”. Derisa ka akuzuar numrin një të komunës është dashur të përpiqet që t’i jap hapësirë edhe Arifit për të sqaruar pozicionin e saj në lidhje me akuzat. Personi i kritikuar duhet të ketë të drejtën dhe hapsirën të justifikojë vetveten.
Çështjet që janë me rëndësi meritojnë që para opinionit të jenë gjithëpërfshirëse, të sakta dhe të balancuara.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
jozyrtare
1 burim
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
mban anën e një pale
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e