Në ditën e parë shkollore, me siguri kur të gjithë prinëdërit që kanë fëmijë që shkojnë në shkollë janë të preokupuar me fillimin e vitit të ri shkollor, është vendosur një lajm e cila duhet t’i “zgjojë nga gjumi”, gjegjësisht t’ua tërheqë vëmendjen pikërisht me shokun i cili është i lidhur vetëm me ditën e publikimit. Sikur ky lajm të publikohej më herët ose më vonë, nuk do të shkaktonte vëmendje aq të madhe, madje edhe në vetë Serbinë, prej mediave të të cilës është marrë lajmi, pas verifikimit shihet se ai as për së afërmi nuk e ka pasur trajtimin e njëjtë sikur te ne?!

Linku deri te artikulli origjinal: Tmerr: bombë dore në shkollë fillore

Data dhe koha e publikimit: 01.09.2014 12:15

Data e recensionit: 02.09.2014

Recensues: Ljubomir Kostovski

“Në ditën e parë shkollore në fshatin Brezna, Gorno Millanovac në Serbi, është gjetur një bombë dore në oborrin e shkollës fillore të fshatit, njofton Blic-i.
Sipas informatave të policisë, bombën e ka gjetur një banor i fshatit i cili ka hapur një kanal për vendosjen e ujësjellësit.
Që situata të jetë edhe më e frikshme, bomba është gjetur në sipërfaqen e tokës, dhe ka qenë e mbuluar me gjethe”.

Lajmin e publikuan disa portale dhe fillimisht askush nuk e qëlloi emrin e qytetit – Gorni Millanovac, por disa e quajtën si nga Kumanova, Millanovce, ose Gorno Millanovac, që flet për atë se redaktorët-lektorët nuk kanë pasur fat me gjeografinë dhe gramatikën.

Por, këtu disi në mënyrë më dramatike është transmetuar ngjarja, me ç’rast është vënë një titull që duhet të na dridhë me atë fjalën “tmerr”, por nuk e sqaron atë. A ka mundur bomba të eksplodojë? Si ka ndodhur që ajo të gjendet në sipërfaqe, e mbuluar vetëm me gjethe? Gjegjësisht, a konsiderohet si e vënë me qëllim apo… lajmi nuk jep përgjigje në asnjërën nga këto pyetje të cilat lexuesi mund t’i parashtrojë pasi ta lexojë titullin.

Kur do ta shihni “origjinalin”, e kuptoni se këtu me lajmin kemi shumë pika të përbashkëta, mirëpo si ato me lajmet e shtrembëruara të Radio Erevanit legjendar.

Kështu, kjo gjetje e bombës nuk ka ndodhur më 1 shtator, por dy ditë më parë, të shtunën, kur në oborr nuk ka pasur nxënës. Lajmi nuk përmban informatë për llojin e bombës М – 75 (shih këtu), e cila gjithsesi se do ta arsyetonte titullin, për shkak se bëhet fjalë për mjet shpërtheys që mund të vrasë shumë njerëz në një hapësirë të madhe. Mirëpo, këtu ka pasur një reduksion të paramenduar – bomba nuk ka pasur aktivizues dhe ai që e ka gjetur atë e ka ditur edhe vetë këtë. Madje e ka marrë në dorë, e ka analizuar dhe në qetësi e ka lënë anash para se ta thirrë policinë (binduni këtu). Dhe në fund, edhe një informatë e rëndësishme në lidhje me bombën: ajo është e prodhimit të ri, që do të thotë se nuk bëhet fjalë për mjet që ka mbetur nga kohërat e luftërave…

Kur të mblidhet e tëra, kemi nj[ dezinformatë të madhe, e cila në momente është edhe komike, e ndoshta edhe për këtë arsye lajmi ka pasur numër të madh klikimesh. Dhe ka shkaktuar “rrezik të përgjithshëm” te prindërit e fëmijëve që shkojnë në shkollë. Fotografia që përdoret për ilustrim është tregim në vete – në vend të bombës (mund të gjendet edhe fotografi e atij lloji të bombës) është vënë një mjet shpërtheyes me tajmer, që gjithsesi, nëpërmjet një fotografie të rrejshme, duhet ta zmadhojë dramatizimin e ngjarjes dhe ta ngrejë edhe pak më lartë adrenalinin e prindërve (dhe të fëmijëve).

“Vlerë” e veçantë e artikullit është ajo se teksti i shkurtër prej katër reshtash teknikisht është i ndarë në dy pjesë, e ndërmjet tyre është vendosur një reklamë për “diçka që mund t’u vrasë”, në rastin konkret – gërhatja! Kjo gjithsesi duhet të “mësohet” në ndonjë leksion për marketing, si truk që do t’i shtynte lexuesit të blejnë preparat kundër gërhajtes: nëse keni shpëtuar nga bomba, atëherë nuk ia vlen të mos zgjoheni në mëngjes për shkak të mosfunksionimit të sistemit të frymëmarrjes!