“Sezon i hapur” për gjueti të juristëve
Published in Recensione
on 7 - 06 - 2016 Author: Владимир Мирчески[Recension: “Ekspertët” opozitarë Tortevski dhe Shkariq në listën e rrogave të PSP-së]
Njollosje tendencioze e profesionalizmit dhe e ekspertizës së dy juristëve. Pse? Për shkak se dikujt nuk i kanë pëlqyer qëndrimet e tyre për punën e Prokurorisë Speciale Publike, si dhe pozitat e tyre për krizën aktuale me përgjimin dhe me amnistinë në qendër të saj. Materiali shumë i ngjan “porosisë për eliminim mediatik”.
Linku deri te artikulli origjinal: “Ekspertët” opozitarë Tortevski dhe Shkariq në listën e rrogave të PSP-së
Data dhe koha e publikimit: 03.06.2016 12:21
Data e recensionit: 06.06.2016
Recensues: Vlladimir Mirçeski
GUXIM APO BUDALLALLËK
Duhet shumë guxim, budallallëk ose mosnjohje elementare të drejtësisë dhe të gjendjes që ndërlidhet me të në vend, që ta vëndoni në pikëpyetje profesionalizmin e një Svetomir Shkariqit dhe Aleksandar Tortevskit. Vetëm disa fakte Shkariqin: më shumë se 30 vite profesor në Fakultetin Juridik, një nga autoritetet më të mëdha të të drejtës kushtetuese, anëtar i disa komisioneve për çështje kushtetuese. Ndërsa Tortevski, përveç që pas vetes ka punë mbi dhjetëvjeçare si avokat, i njohur edhe si një nga aktivistët më të dalluar në formimin e skenës pluraliste politike në Maqedoni dhe një nga njerëzit e parë të Ligës së mëparshme për demokraci, njeri i cili që nga viti 1991 është pjesë e ngjarjeve shoqërore në vend. Domethënë, të dy kanë, deshi dikush ta pranojë ose jo, “mijëra kilometra” të vrapuara në drejtësi, njerëz që e njohin këtëmaterie. Prandaj, befason se prej ku merren “thonjëzat” në konstruksionin e titullit dhe me çka kontestohet ekspertiza e tyre:
“Ekspertët” opozitarë Tortevski dhe Shkariq në listën e rrogave të PSP-së.
Еpiqendra e problemit është ajo se pozitat e tyre nuk konvergjojnë me ato të qarqeve të caktuara politike, dhe me gjasë, për atë arsye është shkruar ky tekst dhe edhe një sërë tekstesh të tjera, i cili duhet edhe t’u bëjë dëm atyre në pjesën e ekspertizës, edhe Prokurorinë speciale ta paraqesë si dorë të zgjatur të opozitës, edhe ta diskreditojë punën e PSP-së.
“Dy ekspertë të pretenduar, të cilët në publik nëpërmjet medieve i mbronin qëndrimet e opozitsë dhe të PSP-së, Svetomir Shkariqi dhe Aleksandar Tortevski, janë të paguar pikërisht nga Katica Janeva”.
Ta sqarojmë, Shkariqi dhe Tortevski, pavarësisht se kush çka mendon për ta, në bazë të asaj që e kanë punuar dhe e kanë dëshmuar, janë ekspertë, e jo ekspertë të pretenduar…
ARTIKULL HAKMARRËS
Pastaj, me ngulm plasohet teza se opozita dhe PSP-ja janë pothuajse e njëjta gjë. Ky pohim është i paargumentuar dhe i ngjan pohimit të motivuar politikisht, për shkak se ky institucion inicoi procdura kundër një sërë funksionarësh të partisë në pushtet, e cila tashmë dhjetë vite “e dridh” Maqedoninë dhe anëtarët e së cilës udhëheqin me institucionet shtetërore që le mundësi të hapur për paraqitjen e korrupsionit dhe kriminalitetit. Domethënë teksti e akuzon PSP-në për punën e saj të deritanishme dhe dy juristët për shkak se janë në anën tjetër të vijës. Me të vërtetë, është vullgarizim të thuash se Janeva i paguan Shkariqin dhe Tortevskin për angazhimin e tyre, për shkak se Janeva disponon me buxhet sikurse edhe çdo institucion tjetër shtetëror, që vjen nga xhepi i qytetarëve.
Poashtu, bie në sy jopreciziteti i tekstit. Nëse prokurorja Ristoska nuk është plotësisht e sigurtë se dy të lartëpërmendurit a janë të angazhuar në PSP, atëherë pse kjo paqartësi përcillet edhe në artikull – nga njëra anë thuhet se ata gjenden në listën e rrogave, e nga ana tjetër nuk ka konfirmim të plotë nga organi kompetent, e poashtu nuk ka as ndonjë hulumtim ose verifikim plotësues të fakteve që të thuhet se a janë të angazhuar në PSP ose jo.
Marrë në përgjithësi, ky është një tekst hakmarrës, që sulmon personalitete dhe institucione “të papërshtashme”, me qëllim që t’i dëmtojë ata, që ka shumë elemente politike, e shumë pak informative.
INFOGRAPHIC
TRUTHFULNESS
nuk ka fakte
pohime të sakta
pjesërisht
SOURCES OF INFORMATION
ka burime të evidentuara
zyrtare
relevante
2 burime
më tepër palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
manipulon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
ka linke kontekstuale
pjesërisht i rregulluar në aspekt stilistik
i lidhur me tag-e