[Recension: LIDER SHEMBULL, ÇKA PREMTON REALIZON: Gruevski në takim me ministra dhe kryetarë të komunave për premtimet e dhëna dhe realizimin e tyre]

Artikull lajkatar… Маterial në të cilin lartësohet lidershipi i shefit të partisë në pushtet. Теkst, i cili ngjashëm sikurse dhe protagonisti i tij kryesor, e ka humbur kompasin për atë se çka është shteti, e çka partia dhe nuk e vëren se patjetër duhet të ketë ndarje ndërmjet tyre.

Linku deri te artikulli origjinal: LIDER SHEMBULL, ÇKA PREMTON REALIZON: Gruevski në takim me ministra dhe kryetarë të komunave për premtimet e dhëna dhe realizimin e tyre

Data dhe koha e publikimit: 01.09.2016

Data e recensionit: 03.09.2016

Recensues: Vlladimir Mirçeski

ТЕKST ME KOMPAS TË HUMBUR PËR ATË SE ÇKA ËSHTË SHTETI, E ÇKA PARTIA

Маqedonia me vite të tëra në dokumente të Komisionit Evropian, mirëpo edhe në vlerësimet e ОSBE/ОDIHR-it, pas çdo cikli të zgjedhjeve, merr kritika jashtëzakonisht të ashpra se nuk ka ndarje të mjaftueshme të shtetit nga partia. Me fjalë të tjera, me fjalor të kulturuar dhe diplomatik thuhet se garnitura aktuale në pushtet e ka humbur nga shikimi dhe i është mjegulluar kufiri ndërmjet asaj që është shtetërore dhe asaj që është partiake.

Për fat të keq, këto mangësi jo vetëm që nuk përmirësohen, por përkundrazi, gjatë muajve të kaluar, më saktë pas tërheqjes së Nikolla Gruevskit nga pozita e kryeministrit, sikur forcohen edhe më tepër. Kështu, kemi pothuajse ngjarje të përditshme në të cilat Gruevsi, vini re, si lider i partisë, merr pjesë në hapjen e objekteve të infrastrukturës, rrugëve, shkollave, gjatë përballjes me fatkeqësitë, etj… E sikur edhe kjo nuk mjafton, dhe filluam ta shohim Gruevskin se si i mbledh ministrat sikur janë të punësuar në firmën e tij ose në parti dhe i rreshtoi, kërkon raporte, jep mendime… Domethënë, ai nuk sillet si kryeministrë në hije, por si u.d. kryeministër aktiv. Me të vërtetë, shembull klasik për mosndarjen e shtetit nga partia.

Këtu i kthehemi artikullit, i cili jo vetëm që nuk e analizon këtë nga këndvështrimi gazetaresk, por edhe e lavdëron. Lavdërim, lajkatim, quajeni si të doni, mirëpo jo edhe informim i mirëfilltë në interes të publikut. Jo, ky tekst, në shikim të parë me vetëiniciativë, e merr rolin e “buletinit” personal të Gruevskit duke e “prezantuar” udhëheqësinë e tij të paparë.

“LIDER SHEMBULL, ÇKA PREMTON REALIZON: Gruevski në takim me ministra dhe kryetarë të komunave për premtimet e dhëna dhe realizimin e tyre”

“Pas vizitës së Gruevskit, zgjidhet edhe problemi me furnizim me ujë të Vellgoshtit. Gjatë periudhës së verës, thanë qytetarët, zvogëlohet shtypja e ujit për shkak të ujitjes.”.

“Në mesin e popullit njihemi si garniturë politike që qëndron pas fjalës së dhënë, si politikanë që i realizojnë premtimet e dhëna dhe që i plotësojnë nevojat e qytetarëve. Ne e realizojmë atë që e kemi premtuar dhe kjo është përgjegjësi e madhe. Kështu, lideri i VMRO-DPMNE-së, Niklla Gruevski, e hapi takimin e sotëm me ministrat e qeverisë, zëvendës-ministrat dhe kryetarët e komunave, ku u bë një pasqyrë e premtimeve të dhëna gjatë vizitave në terren dhe e realizimit të tyre.”

CIRKUN E GRUEVSKIT E PAGUAJNË QYTETARËT

Ç’është kjo në qoftë se jo marketing për pushtetin dhe për Gruevskin, i cili, thua se është magjistar. Аbrakadabra ministrat, abrakadabra funksionarët partiakë, të gjithë në të njëjtën kohë, normalisht, në orët e punës që i paguajnë qytetarët e Republikës së Maqedonisë. Dhe gjithë këtë nuk e ka vërejtur syri i atij që e ka shkruar artikkullin, apo ndoshta, i është dhënë dhe është dashur të rishtypet në portalin konkret.

(Gazetarët) do të kontribuojnë për forcimin e shtetit të së drejtës dhe për kontrollin e pushtetit dhe të subjekteve tjera të jetës publike – Kodi i gazetarëve.

Raportimi për proceset politike, veçanërisht zgjedhjet, duhet të jetë i paanshëm dhe i balancuar. Gazetari duhet të sigurojë distancë profesionale prej subjekteve politike – neni 14 i Kodit të gazetarëve.

Për këtë material mund të thuhet se është shembull eklatant për nevojën e madhe рër ndarjen e partisë nga informimi i mirëfilltë i qytetarëve.