Talljet nuk kanë vend në fjalorin e gazetarit
Published in Recensione
on 22 - 09 - 2015 Author: Fatlume Dervishi
[Recension: “Tallje me lëvizjen “Besa”: “S’ka sen pi tyne”]
Është e thjeshtë që një gazetar të vendosë në kontekst negativ veprimet e një subjekti politik për të nxjerrë kështu “të fituar” në mënyrë indirekte një subjekt tjetër anën e të cilit mban në mënyrë të hapur. Është edhe më e thjeshtë që kjo të bëhet pa e mbështetur atë me fakte dhe duke e diskredituar me fjalë që duhet të jenë jasht fjalorit të një gazetarie profesionale.
Linku për te artikulli origjinal: “Tallje me lëvizjen “Besa”: “S’ka sen pi tyne”
Data e publikimit: 15.09.2015
Data e recensionit: 18.09.2015
Recensues: Fatlume Dervishi
Titulli i lajmit është i ndërtuar duke marrë për bazë një koment nga rrjetet sociale. Ashtu siç është, ai vë në pikëpyetje objektivitetin e autorit në përmbajtjen të tesktit.
Autori e ka filluar tekstin me fjalët “Kanë nisur talljet më aktivistët e Lëvizjes “Besa”, të cilët janë vënë në aksion gjoja “të ndërtojnë” urat e prishura, pa e treguar burimin e financimit, vetëm e vetëm të përfitojnë ndonjë pikëz politike para zgjedhjeve të ardhshme.”
Nuk është e qartë pse autori ka vendosur të përdorë shprehjen “gjoja” dhe më pas ka futur në thonjëza fjalët “të ndërtojnë” për një ngjarje që po ndodh në të vërtetë dhe mediat e kanë përcjellë dhe vazhdojnë ta përcjellin për të dokumentuar se një gjë e tillë po realizohet. Arsyeja, sipas autorit, është që aktivistët në fjalë “të përfitojnë ndonjë pikëz politike”. Çfarë nënkupton saktësisht fjala “pikëz” për autorin? Pse autori zgjodhi të mos përdorë fjalën “pikë” si më të përshtatshme për këtë rast dhe a duhet të merret kjo si tendencë nënçmimi?
Në paragrafin e dytë, autori i tekstit ngre dyshime dhe në formë të tërthortë bën akuza të rënda ndaj aktivistëve të subjektit politik që trajton. “Kështu disa pyesin me të drejtë se ku po i marrin mjetet këto të lëvizjes “Besa”, të cilët “shiten” para popullit si shumë të moralshëm dhe të pakorruptuar, derisa prejardhja e mjeteve të tyre duket të jetë shumë e dyshimtë.” Kjo nënkupton që autori i këtij teksti është i bindur se ky grup aktivistësh që është në shënjestrën e tij nuk janë të ndërshëm dhe të pakorruptuar siç “shiten” (sipas tij) dhe ngre dyshime mbi ato të ardhura.
Por edhe pse një pyetje e tillë mund të bëhet me të drejt, autori nuk ka paraqitur as edhe një fakt të vetëm për të arsyetuar ekzistencën e këtyre dyshimeve dhe aq më tepër akuzave që ai ngre publikisht. E vetmja e dhënë që ai ka, janë mendimet e disa (dy-tre) komentuesve të shprehur në një postim në rrjetet sociale, për aktivitetin e subjektit politik në fjalë.
Mendimi i publikut është shumë i rëndësishëm. Por një gazetar i mirë hulumton mbi dyshimet, analizon mundësitë dhe vjen përpara publikut të tij me të dhëna që mbështesin ose hedhin posht ato dyshime. Një gazetar i mirë, i ofron publikut fakte, të vërteta dhe informacion të vlefshëm. Jo hamendësime, ironizime të pahijshme dhe akuza pa qenë i aftë (ose thjesht pa pasur vullnet) për t’i vërtetuar.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
deklarata të vërteta
SOURCES OF INFORMATION
vetëm komentet e lexuesve
jozyrtare, anonime
jorelevante,
2 burime
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
nuk informon
jokreativ
me tendenca talljeje
joadekuat
tendencioz
PHOTOGRAPH
ka
logo ilustruese
as manipulon as informon - është vënë vetëm si ilustrim
logo
HATE SPEECH
gjuhë ofenduese
gjuhë tallëse
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
ka linke kontekstuale
pjesërisht i rregulluar në aspekt stilistik
i palidhur me tag-e