Tensionohet gazetaria nga propagandat politike
Published in Recensione
on 15 - 05 - 2016 Author: Xhenis Sulimani
[Recension: Tensionohet situata në Lagjen e Trimave, pas ardhjes së Zijadin Selës]
Akuza pa bazë. Dezinformim klasik. Lajm pa strukturë. Të gjitha këto në një tekst prej 3-4 rreshtave që kontribuon në çorientimin e publikut. Ky tekst mund të merret si shembull për të treguar se si funksionon manipulimi i vetëdijshëm me publikun në mediat tona, i cili është në rritje e sipër.
Linku deri te artikulli origjinal: “Tensionohet situata në Lagjen e Trimave, pas ardhjes së Zijadin Selës”
Data dhe koha e publikimit: 09.05.2016
Data e recensionit: 12.05.2016
Recensues: Xhenis Sulimani
Duke tentuar që sa më shpejt të vihet nën hije prezenca e një politikani në shënimin e njëvjetorit të ngjarjeve në Kumanovë, teksti njofton për ambientin pas ardhjes së tij në Kumanovë. Mirëpo, teksti është i cunguar, pa burime konkrete dhe informacione shtesë për rrjedhën e marshit të organizuar në Kumanovë.
“Edhe pse Këshilli i Lagjes së Trimave ishin deklaruar kundër politizimit të shënimit të njëvjetorit të Konfliktit të Kumanovës, megjithatë para disa minutave atje ka arritur kryetari i LR-PDSH-së, Zijadin Sela. Ardhja e tij ka shkaktuar tensione në Lagjen e Trimave dhe pakënaqësi, pasi vlerësojnë se është keqpërdorë marshi nga një grusht njerëzish që janë të afërt me ish ministrin e brendshëm, Mitko Çavkov.”
Manipulimi i parë i tekstit lidhur është i lidhur me Këshillin i Lagjes së Trimave- Kumanovë, i cili nuk është prononcuar fare lidhur me pjesëmarrjen e politikanit të apostrofuar në marshin që është organizuar nga familjarët e përfshirë në rastin e Kumanovës, si dhe nga qytetarët e Kumanovës.
Manipulimi i dytë, theksimi së ardhja e një politikani ka shkaktuar tension, është i pavërtetë dhe tendencioz. Ndryshe, me asnjë argument nuk verifikohet tensionimi i situatës. Opinioni nuk e di nëse po informohet nga terreni, nëse gazetari po e paraqet gjendjen faktike, apo ka dëgjuar këtë pohim nga ndonjë i tretë dhe po e transmeton të njëjtin.
Dhe e fundit – pretendimi që marshi në Kumanovë është keqpërdorur nga një grup i afërt me ish-ministrin e brendshëm Mitko Çavkov. Edhe ky pohim i pavërtetë u demantua nga të gjitha mediat tjera, të cilat për marshin në Kumanovë raportuan se gjithçka ka shkuar pa probleme, ashtu siç ishte paralajmëruar. Qytetarët kanë marshuar qetë dhe në heshtje, duke shprehur kështu revoltën për heshtjen e institucioneve kompetente dhe moszbardhjen e së vërtetës së 9-10 majit në Kumanovë.
Standardi gazetaresk profesional rekomandon që: Mediat duhet të jenë të pavarura, të paanshme dhe të ndershme gjatë raportimit për ngjarje që janë të rëndësishme për publikun. Ato janë të detyruara që të angazhohen për arritjen e standardeve më të larta për saktësi dhe paanshmëri, si dhe të shmangin manipulimin e vetëdijshëm të publikut. Gazetarët dhe mediat duhet të jenë rezistues ndaj presioneve dhe ndikimeve, nga cilido qoftë subjekt ose burim.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
nuk ka burime të evidentuara
EXTENSIVENESS
jogjithëpërfshirës
informata të fshehura
BIAS
nuk e paraqet të vërtetën
ka shtrembërim të së vërtetës (spin)
informata të rrejshme
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
dezinformon
jokreativ
senzacionalist
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
EDITED FOR THE WEB
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e