Tifoz apo “ballist”?
Published in Recensione
on 30 - 08 - 2016 Author: Владимир Мирчески[Recension: FOTO: Tifozi i Shkëndijës, Zaev, i padëshiruar në ndeshjet maqedonase]
Kur politika do të përzihet në sport, kur spini do ta turbullojë situatën reale, kur spekulimet do të mbisundojnë faktet, kur etiketa kombëtare bëhet esencë…. Atëherë e kemi këtë tekst!
Linku deri te artikulli origjinal: FOTO: Tifozi i Shkëndijës, Zaev, i padëshiruar në ndeshjet maqedonase
Data dhe koha e publikimit: 27.08.2016 12:32
Data e recensionit: 28.08.2016
Recensues: Vlladimir Mirçeski
“SHKËNDIJA” NUK ËSHTË EKIP I MAQEDONISË!?
Me të vërtetë është tepruar me politikë në vend. Kështu, tani, u bë mëkat politik edhe në qoftë se ndonjë funksionar, në këtë rast lideri i opozitës, paraqitet në një ndeshje futbollistike të ekipit të vendit. Problemi, për të cilin u kall makineria mediatike e sponsoruar nga një qendër, është se ekipi është “Shkëndija” nga Tetova. E padëgjuar, e poashtu edhe e paparë… Zoran Zaevit i merret për të madhe për shkak se e ka ndjekur ndeshjen drejtpërdrejt?! Nuk e kuptoj, a nuk është “Shkëndija” ekip i Maqedonisë, apo Tetova nuk është në Republikën e Maqedonisë. Qëllimisht, në mënyrë shumë vullgare dhe të pistë, në këtë tekst përzihen “mollë dhe dardha”, më saktë ekipi i “Shkëndijës”, sjellja e tifozëve të saj dhe njeriu i parë i LSDM-së.
“Në ndeshje morën pjesë tifozët e Shkëndijës, të cilët brohorisnin dhe këndonin kundër shtetit maqedonas, këndonin emra të ballistëve, valoheshin flamuj të Shqipërisë së Madhe dhe të UÇK-së, si dhe një transparent me fytyrën dhe emrin e Xhemë Hasës, vrasësit të partizanëve, ndërsa Zoran Zaevi me krenari vendosi një selfi, sikurse në Lagjen e Trimave dhe shkroi se bën tifo për sukses të ri të Maqedonisë”.
E para, asnjë ekip, duke i përfshirë edhe gjigantët botëror, nuk munden në tërësi ta kontrollojnë sjelljen e grupeve të tifozëve të tyre, për shkak se gjithmonë do të gjendet ndonjë ose disa kokë të nxehura, të cilat me veprimet e tyre jo vetëm që nuk i ndihmojnë klubit të tyre, por edhe e dëmtojnë atë. Prandaj, çfarë lidhje ka kryetari i LSDM-së me brohoritjet e tifozëve të “Shkëndijës”. Asnëlloj! Ai nuk mund të përgjigjet për veprimet e adhuruesvve të klubit. Këtë e ka të qartë çdokush, përveç ai, ose ata, që e kanë konspiruar këtë artikull dhe ato të ngjashëm me të.
Pastaj, nëse dikush paraqitet në ndonjë ndeshje, kjo me automatizëm nuk e bën atë tifoz të njërin nga dy ekipet që luajnë në atë ndeshje. Një shembull personal: para disa vitesh isha në stadiumin “Filipi i Dytë” në ndeshjen ndërmjet “Rabotniçkit” dhe “Liverpulit”. Nuk bëj tifo për asnjërin nga këto klube, mirëpo kisha qejf të marr pjesë në ndeshjen e një klubi legjendar. Prandaj, pohimi se Zаеvi është tifoz i “Shkëndijës” është shumë diskutabil, mirëpo edhe sikur të jetë ashtu, ç’ka të keqe në këtë? A thua në shekullin 21, do të ishte problem nëse ndonjë maqedonas e mbështet ndonjë ekip që vjen nga një mjedis me shumicë shqiptare në Maedoni?! Çmenduri! Nëse nuk është kjo, atëherë pohimi i tillë paraqet së paku shprehje të mosdurimi nacional.
ZAEVI “BALLIST”?
Mirëpo, këto nuk janë gabimet e vetme. Bëhet një përgjithësim se për shkak të prezencës në ndeshjen e “Shkëndijës” kundër “Gentit”, Zaevi është i padëshiruar në ndeshjet maqedonase. Si e para, “Shkëndija” a nuk është ekip i Maqedonisë?! Si e dyta, kush thotë të Zaevi është i padëshiruar? Dy grafite dhe një postim në Facebook! Bëhet fjalë për, ja t’i quajmë, porositë e tifozëve “Komitë” dhe “Çkembarë”. Pikëpyetje është se a është ky qëndrimi zyrtar i këtyre grupeve apo veprime individuale të strukturave të caktuara. Mirëpo, edhe sikur të jetë ashtu, “Vardari” dhe “Pelisteri” nuk janë ekipet e vetme, siç do të thoshte dikush, maqedonase në vend. Poashtu, shpeshherë tifozët në Maqedoni shfrytëzohen për qëllime politike dhe punojnë për agjenda politke, kështu që “haberi” deri te Zaevi më tepër i ngjan porosisë politike, se sa porosisë sportive që deri diku e vërtetojnë edhe një sërë tеkstesh së bashku me këtë tekst që jemi duke e recensuar.
Një artikull i panevojshëm dhe i rrezikshëm që futet në një “terren të nxehtë”, ku mjafton shumë pak për ndezjen e ndjenjave nacionaliste. Politika nuk e ka vendin në terrenet sportive. Cili politikan është i ulur në tribuna nuk duhet të jetë më me rëndësi se sa si është rezultati në terren…
INFOGRAPHIC
TRUTHFULNESS
ka fakte
pjesërisht
pjesërisht
SOURCES OF INFORMATION
ka burime të evidentuara
jozyrtare
jorelevante
më tepër burime
EXTENSIVENESS
pjesërisht
:
BIAS
pjesërisht e paraqet të vërtetën
ka shtrembërim të së vërtetës (spin)
:
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
nuk është theksuar autori (burimi)
HATE SPEECH
gjuhë ofenduese
diskriminon
diskriminim nacional
EDITED FOR THE WEB
mesatarisht i lexueshëm
nuk ka elemente multimediale
pjesërisht i rregulluar në aspekt stilistik
i palidhur me tag-e