Titujt komentues nuk e kanë vendin në zhanret informative
Published in Recensione
on 17 - 03 - 2016 Author: Fatlume DervishiRecension: “Neziri bën pazar pa hanxhiun: Shpall fitore të BDI-së, ende pa votuar shqiptarët!”
Titulli është ai që i pari bie në sy të publikut. Atraktiviteti i tij bën që lexuesit të interesohen për përmbajtjen e tekstit dhe, nga ana tjetër, ndikimi i mbarë përmbajtjes varet nga fuqia e goditëse e titullit. Mirëpo, normat etike të raportimit, aq sa për tekstin, vlejnë edhe për titullin. Sipas tyre, sa u përket zhanreve informative, komentet dhe shprehjet ironike nuk lejohen as në titull.
Linku deri te artikulli origjinal: Neziri bën pazar pa hanxhiun: Shpall fitore të BDI-së, ende pa votuar shqiptarët!
Data dhe koha e publikimit: 14.03.2016, 10:56
Data e recensionit: 15.03.2016
Recensues: Fatlume Dervishi
Dy politika të ndryshme redaktuese të shkrira në një artikull, kanë dhënë rezultat jo fortë të përshtatshëm, duke bërë që mesazhi të mos përcillet qartë. Qasja ironike në titull nuk është e përshtatshme për lajmet, kurse artikulli konkret ka një titull me koment dhe ironi. Përveç kësaj, teksti është marrë nga zhurnal.mk, kurse titulli është vendosur nga vetë autori. Megjithatë, duke lexuar me kujdes, vërejmë se këto dy elemente të këtij artikulli nuk korrespondojnë me njëri-tjetrin. Titulli është kritikues, kurse teksti thjeshtë një informim, duke lënë në hije dhe pa argumente kritikën që paralajmëron titulli.
“Duhet të jetë qartë të ndara, cilët janë faktet dhe cilat informacionet, dhe cilat janë komente, hipoteza ose qëndrime të autorit për të shmangur desinfomrimi dhe manipulimin me publikun.” – thuhet në Kodin Etik të Gazetarëve të Maqedonisë dhe më tej plotësohet:
“Kumtesat e partive politike ose grupeve tjera dhe organizatave duhet qartë të theksohen, ndërsa përpunimi i tyre i redaksisë nuk guxon t’i ndryshojë faktet, kontekstin dhe kuptimin.”
Kritika është obligim profesional i gazetarit, por e njëjta duhet të jetë objektive, e bazuar në fakte dhe e mbështetur me burime kompetente. Mund të citohen ligje, të shpalosen informacione mbështetëse për mesazhin që raportohet, por gjithçka të nxirret jashtë subjektivitetit ose bindjes individuale të autorit.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
zyrtare
relevante,
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk ka informata të rrejshme
është i njëanshëm
COMMENTING
ka elemente të komentimit
të integruara me faktet
PLAGIARISM
kopje të pjesshme
është theksuar burimi pa link
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e