As thumbimet e komentet nuk peshojnë pa fakte
Published in Recensione
on 24 - 06 - 2016 Author: Benjamin Arifi
[RECENSION: Ziadin Sela thumbohet nga votuesit e tij: Ndërtoni çerdhen, mos ngushëlloni popullin në televizion]
Teksti, i cili është objekt i këtij recensioni, ka disa të meta. Në të flitet për një çështje që është në interes të qytetarëve të Strugës, që e bën temën të qëlluar për trajtim mediatik. Megjithatë, përmbajtja është bazuar vetëm në një koment të bërë në rrjetin social Facebook, ndërsa në të mungon prononcimi i protagonistit kryesor, Zijadin Selës, atij të cilit i dedikohet edhe teksti, por edhe elemente tjera të nevojshme për një lajm gjithpërfshirës.
Linku deri te artikulli origjinal: Ziadin Sela thumbohet nga votuesit e tij: Ndërtoni çerdhen, mos ngushëlloni popullin në television
Data dhe koha e publikimit: 05.06.2016
Data e recensionit: 11.06.2016
Recensues: Benjamin Arifi
Autori e ka nisur tekstin me një koment dhe vlerësim të tij. Pakënaqësinë e shprehur në një status në rrjetin social Facebook, autori e ke përgjithësuar duke shkruar se të gjithë banorët e komunës së Strugës janë të pakënaqur nga puna e kryetarit të kësaj komune, Ziadin Sela. Gazetari, sipas Kodit Etik të Gazetarëve, ka të drejtën e mendimit të tij dhe të komentimit, por nuk guxon që mendimet e tij t’i kamuflojë si fakte dhe të vërteta.
“Problematika kryesore e popullit dhe elektoratit në përgjithësi është ofrimi i të mirave pas marjes së mandatit nga ana e një kryetari të komunës. Por si duket qytetaret e komunës së Strugës nuk shprehen edhe mjaft të kënaqur me punën e kryetarit të tyre, Ziadin Sela për shkak se kohëve të fundit shqetësimet e qytetarëve kanë nisur të dalin hapur duke u bërë kështu një brengë kryesore e tyre”
Ajo që bie në sy gjatë leximit të artikullit është se i tërë teksti flet për pakënaqësinë e qytetarëve të Strugës, ndërsa në fakt statusi është shkruar nga një person, i cili nuk jeton në Strugë. Kjo e bën që artikulli të jetë paksa jashtë realitetit, tendencioz dhe i njëanshëm. Për ta bërë më të besueshëm artikullin, mënyrë shumë më e mirë do të ishte të realizohet anketë me qytetarët e Strugës për çështjen që është shtruar në tekst dhe për punën e kryetarit të komunës së tyre.
”Unë nuk jetoj në Strugë dhe nuk kam fëmijë në çerdhet e këtij qyteti! Por kam shoqe prindër, edukatore dhe për të mirën e tyre besoj që më takon të flas dhe të shtroj një problem jo pak të vogël!”
Po ashtu, në tekst mungon edhe prononcimi i kryetarit të Strugës për të komentuar në lidhje me problemin e ngritur. Autori nuk tregon nëse është kontaktuar kryetari i komunës së Strugës, ose të paktën se ka tentuar të marrë prononcimin e tij.
Në Doracakun për Etik në Gazetari qëndron qartë se “Gazetari duhet të sigurojë “palën e dytë”, respektivisht t’u japë mundësi të dy palëve të interesuara të produktit gazetaresk ta shprehin qëndrimin e tyre. Kjo edhe më tepër vjen në shprehje, kur gazetari shpreh dyshime ose akuza ose kur dikush është objekt i sulmit apo kritikës.”
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
jozyrtare
jorelevante,
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
dezinformon
jokreativ
senzacionalist
adekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk aplikohet
ka linke kontekstuale
i rregulluar në aspekt stilistik
i lidhur me tag-e