Faktet, e jo përqeshja, janë arma më e fortë për gazetarët
Published in Recensione
on 22 - 02 - 2017 Author: Ferikan Iljazi
[Recension: “Vesel Memedi “flirton” me Kriefamiljarin e Aleancës, Ali Ahmeti”]
Ditëve të fundit, çështja e “kryeplakut” të shqiptarëve ishte një ndër temat kryesore që kishin pushtuar portalet në gjuhën shqipe. Kritikohej qëndrimi i kryetarit të RDK-së Vesel Memedi, se Ali Ahmeti është ‘kryeplak’ i partive shqiptare në negociatat me partitë maqedonase për formim të qeverisë, duke vënë kështu në pikëpyetje gjithë fushatën e Aleancës për Shqiptarët, e cila bazohej në kritika dhe kundërshtim të politikave të Ali Ahmetit dhe partisë së tij BDI si përfaqësues legjitim të shqiptarëve në Maqedoni.
Linku për te artikulli origjinal: Vesel Memedi “flirton” me Kriefamiljarin e Aleancës, Ali Ahmeti
Data dhe koha e publikimit: 08.02.2017
Data e recensionit: 09.02.2017
Recensuese: Ferikan Iljazi
Në tekstin që po e recensojmë, autori ka nxjerrë sekuenca nga debati në emisionin “Click Plus” në TV 21 të Maqedonisë dhe ka komentuar faktin se Vesel Memedi e ka emëruar dhe pranuar Ali Ahmetin si ‘kryeplak’ i shqiptarëve. Por, në përmbajtje, gjithçka është shumë konfuze. Nuk dihet ku fillon e ku mbaron mendimi i gazetarit, e ku fillon citati i Vesel Memedit.
“Në pyetjen e moderatorit se a kanë filluar takimet ndërmjet Aleancës për shqiptarët dhe LSDM-së, z, Mehmedi tha se do doja të ilustroj më mirë se si njihen raportet familjare jo vetëm të shqiptarëve por edhe të popujve tjerë të Ballkanit. Ne jemi munduar maksimalisht që në kuadër të “familjeve” tona që të zgjedhim “Kryeplakun”, kryefamiljarin , duke aluduar në Ali Ahmetin”
Parafrazat të përziera me citate hutuese vazhdojnë edhe më tej.
“Ndërsa sa i përket pyetjes së parashtruar nga moderatori se kush është kryeplaku, Vesel Memedi u përgjigj. Zgjedhjet mbaruan me 11 dhjetor dhe sovrani i zgjodhi përfaqësuesit e vet në parlament dhe besoj se ka ardhë momenti që populli do duhet në një farë mënyre të “pushoj” nga kjo politikë e madhe që ka kapluar tërë shoqërinë tonë, ndërsa sa i përket “Kryeplakut”.
Një pjesë bukur e mirë e tekstit që është shkruar është shumë e vështirë të deshifrohet, por, ajo që duhet vërejtur dhe kritikuar, është titulli i cili direkt flet për “flirtimin” e Vesel Memedit me Ali Ahmetin, gjë që është koment dhe tentim për degradim të figurës së tij, e si e tillë nuk guxon të dalë nga goja e gazetarit. Për më tepër, përqeshja e Memedit lidhur me shqiptimin e shkronjës “y”, e cila po ashtu vërehet në titull, nuk është gjë që pranohet nga standardet për përmbajtje informative. Aspak.
Prandaj duhet respektuar Nenin 10 të Kodeksit të Gazetarëve i cili dikton që: Gazetari nuk ka për të krijuar ose përpunuar me vetëdije informata, të cilat i kërcënojnë të drejtat ose liritë e njeriut, nuk ka për të folur me gjuhën e urrejtjes dhe nuk do të nxisë dhunë ose diskriminim mbi çfarëdo lloj baze (kombëtare, fetare, racore, gjinore, shoqërore, gjuhësore, politike, orientimi seksual…)
Gjithçka tjetër që del nga këto korniza, nuk mund të quhet gazetari.
INFOGRAPHIC
TRUTHFULNESS
Pjesërisht
Një pjesë
Një pjesë e tyre
SOURCES OF INFORMATION
ka burime të evidentuara
zyrtare
nuk mund të përcaktohet
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e