Lajmet e paverifikuara nuk mund të jenë ekskluzive
Published in Recensione
on 14 - 10 - 2015 Author: Fatlume DervishiRecension: “Exclusive: Evitohet konflikt fizik mes Talat Xhaferit dhe përfaqësuesve të Vmro-së dhe Lsdm-së”
Në periudhën e krizës politike nëpër të cilën kalon Maqedonia, lajmet për konflikte fizike mes të përzgjedhurve të popullit, është e kuptueshme që do të zgjojnë një interes të madh te publiku. Por gazetari duhet të mbajë përgjegjësi për publikimin e informacioneve të paverifikuara që mund të rezultojnë të pavërteta.
Linku për te artikulli origjinal: “Exclusive: Evitohet konflikt fizik mes Talat Xhaferit dhe përfaqësuesve të Vmro-së dhe Lsdm-së”
Data dhe koha e publikimit: 08.10.2015, 22:05
Data e recensionit: 11.10.2015
Recensues: Fatlume Dervishi
Artikulli informon për evitimin e një konflikti të mundshëm mes deputetit të BDI-së, Talat Xhaferi, dhe përfaqësuesve të VMRO-DPMNE-së dhe LSDM-së gjatë seancave të grupit të bisedimeve.
“Për pak është evituar përleshja fizike mes deputetit të BDI-së Talat Xhaferi dhe përfaqësuesve të VMRO-DMNE-së dhe LSDM-së, pasi që këta fundit njëherë kërkuan ndihmë e pastaj u tërhoqën nga propozimligji për ndalimin e bombave.”
Ky pohim është serioz dhe flet për një nivel më të thellë të krizës politike në vend. Andaj autori duhet t’ju qëndrojë pas pohimeve të tij dhe të paktën të tentonte të marrë deklaratën e Talat Xhaferrit ose personave të tjerë për të cilët ai “ka informacion” se kanë qenë të përfshirë.
Madje autori i këtij artikulli pretendon se këtu kanë pasur gisht edhe ndërkombëtarët.
“Burimet për “Zhurnal” theksojnë se ndërhyrja e ndërkombëtarëve ka qenë vendimtare për moseskalimin e situatës.”
Nëse autori nuk kishte mundësi të merrte prononcimin e grupit të parë, të paktën duhet të kishte tentuar për të marrë prononcim nga grupi i dytë, ndërkombëtarët, të cilët janë më neutral në ngjarje. Kjo nuk ndodh dhe asgjë zyrtare nuk është shpalosur. Burimet janë anonime dhe as nuk është sqaruar fakti se pse ka qenë e nevojshme të mbeten të tillë.
Gjatë katër herave kur autori i referohet burimit ose bumeve të tij të informacionit (meqë nuk është e qartë nëse është një burim ose disa burime) ai i referohet si:
- “Burimet për “Zhurnal” theksojnë se …”
- “Burime për “Zhurnal” të sigurta në palët e bisedimeve, theksojnë se …”
- “…burimet nga BDI për “Zhurnal” theksojnë se …”
- “Burimet tona ndërkombtare thonë se…”
Asgjë zyrtare, asgjë relevante dhe asnjë e dhënë e faktuar që t’i japë një arsye lexuesit për të besuar atë që thotë teksti.
Fjalia përmbyllëse e tekstit bën një pohim tjetër ku thotë:
“Burimet tona ndërkombtare thonë se deri më 20 tetor, do ketë ligj të tillë, i cili do të del nga vullneti i të gjitha partive politike.”
Në asnjë pjesë në tekst, autori nuk bën me dije që bëhet fjalë për informacione jozyrtare dhe të pakonfirmuara. Për këtë, Kodi i Gazetarëve të Maqedonisë thotë:
“Nëse gazetari vlerëson se informacioni i paprovuar është me interes publik, është i obliguar ta publikojë, por duke saktësuar se bëhet fjalë për informacion të pakonfirmuar.”
Informacionet e paverifkuara nuk mund të jenë eksluzive sepse lënë një hapësirë të madhe dyshimi për vërtetësinë e tyre.
INFOGRAPHIC
TRUTHFULNESS
ka fakte
nuk ka fakte
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
anonime
jorelevante,
nuk mund të përcaktohet
më tepër palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
nuk mund të përcaktohet
COMMENTING
ka disa elemente të komentimit
PLAGIARISM
vepër origjinale
TITLE QUALITY
informon
jokreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon - është vënë vetëm si ilustrim
logo
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e