Manipulim mbi “manipulim”
Published in Recensione
on 13 - 07 - 2016 Author: Fatlume Dervishi
[Recension: “Manipulimi i Ahmetit me “buzëqeshjen e ngrirë” në 2015”]
Është e thjeshtë të gjesh një fotografi, për të cilën të vijnë shumë fjalë në mend, të ndërtosh paragrafe të kamufluara në petkun e lajmit dhe ta publikosh atë, pa plotësuar kushtet minimale për ndërtimin tij. Kjo gjë është bërë me tekstin që po e recensojmë, ku vlrehen dukshëm komentet individuale dhe mungesa e burimeve.
Linku deri te artikulli origjinal: “Manipulimi i Ahmetit me “buzëqeshjen e ngrirë” në 2015”
Data e publikimit: 11.07.2016
Data e recensionit: 13.07.2016
Recensues: Fatlume Dervishi
Autori me të drejtë ka sjellë në dritë faktin e përdorimit të një fotografie të vjetër nga ana e kryetarit të BDI-së, Ali Ahmeti, gjatë njoftimit për një kauzë të re. Ahmeti ka shfrytëzuar fotografinë e shkrepur më 13 korrik 2015 me përfaqësuesen e lartë Nulland, për të njoftuar për takimin e realizuar më 11 korrik 2016 (pa e theksuar këtë). Si duket, mediat e kanë vërejtur shpejtë këtë, por në këtë tekst, ky veprim nuk është trajtuar tërësisht në mënyrën e duhur. 
E para, akuzat drejtuar partisë në fjalë për manipulim nuk mbajnë, sepse veprimi për të cilin “janë kapur” nuk është ndonjë keqpërdorim i theksuar për të bërë akuza dhe cilësime të këtij niveli. Tek e fundit, postimi flet për takimin që është realizuar “sot” por nuk thotë që fotografia është shkrepur “sot”.
“Por, në fakt, shqipturëve u servua edhe një manipulim i radhësm në vazhdën e manipulimeve të përditshme. Fotografia që gjoja ishte shkrepur sot, ishte e njejta fotografi nga viti i kaluar (13.07.2015), që gjithashtu ishte postuar në profilin e Ali Ahmetit në FB.”
E dyta, vlerësime të tilla nuk i takojnë autorit për t’i thënë, por palëve të përfshira. Do të ishte më profesionale, të kërkohej arsye nga zyra për informim e BDI-së, pse është zgjedhur pikërisht kjo fotografi dhe të bëhej mbase një pyetje direkte, a është bërë për manipulim të opinionit. Veprimi i tillë do të mund të shtjellohej akoma më mirë përmes prezencës së ekspertëve nga fusha e mrrëdhënieve me opinion apo komunikologëve.
“Ata që përcollën takimet e Nuland me Ahmetin (dhe me liderët tjerë) thonë se megjithate sivjet nga fytyrat ka munguar buzëqrshja e para një viti.”
Kush janë “ata” dhe si e interpretojnë “mungesën e buzëqeshjes” për të cilën pretendon teksti? Pse Nulland është takuar me liderët politik dhe cili ka qenë epilogu i takimit (informacion i nevojshëm për sfond për t’u kuptuar rëndësia e takimit)? Nëse ky është “manipulim i radhës” ose “vazhdim i manipulimeve” të BDI-së, cilat kanë qenë manipulimet paraprake?
Fija për të cilën është kapur kjo përmbajtje është interesante, përmban informacion të shkurtër dhe kuriozitet, zakonisht i përshtatshëm për portale. Por, ai nuk është trajtuar objektivisht dhe në mënyrë pak më gjithpërfshirëse, dhe si i tillë më tepër jep përshtypjen e një shkrimi tendencioz.
Kodi etik i gazetarëve të Maqedonisë porosit:
- Zgjedhja e fakteve patjetër të sigurojë informacion objektiv duke pasur parasysh të gjitha apektet e rëndësishme të temës që trajtohet.
- Nevoja për shpejtësi asnjëherë nuk guxon të rrezikojë saktësinë, kredibilitetin dhe profesionalizimin e kontributit.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
informon
autori (burimi) është theksuar në mënyrë selektive
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e