Në lajm nuk bëhen kualifikime dhe nënçmime!
Published in Recensione
on 11 - 08 - 2016 Author: Adrian Kerimi
[Recension: Skandal: Bashkëpunëtori i Gruevskit e rreh si “gomar” një banorë të Shkupit që kritikonte qeverinë]
Gazetari nuk është ai i cili kualifikon një veprim. Ai është i obliguar të mbrojë interesin qytetar në këtë rast, por jo edhe të nënçmojë. Një akt kundër-profesional ndodh në këtë tekst, të cilin po e recensojmë. Teksti mbase nuk korrespondon me titullin në aspektin e kualifikimit që jepet në titull, mirëpo kujtojmë që lexuesi në titull informohet për atë që përmban teksti.
Në këtë rast, në tekst veprohet në mënyrë jo parimore dhe jo profesionale, nga që për një qytetar – viktimë e një sulmi fizik, thuhet se është rrahur “si gomar”. Nënçmime të tilla që gazetarët bëjnë ndaj palëve në lajmin e tyre, janë në kundërshtim me profesionin dhe Kodin etik, e për më tepër, për to mund edhe të përgjigjen para ligjit. Gazetari duhet ta ketë të qartë që e drejta e tij dhe liria e shprehjes përfundojnë aty ku fillon e drejta e tjetrit.
Një skandal tjetër po tronditë Maqedoninë. Kësaj rradhe një bashkëpunëtor i ngushtë i ish kryeministrit Gurveski dhe ministrit të Policisë, Mitko Çavkov, ka vendosur që fizikisht ti qërroj hesapet me një banorë nga Shkupi i cili kritikonte Gruevskin se plotë 3 ditë askush nuk ju ka ardhur për tju dalur në ndihmë. Menjëher pas kësaj kritike bashkëpunëtori i Gruevskit kishte filluar ta sulmoj me grushta, shkruan Zhurnal.
“Gazetari duhet ta kultivojë kulturën e të folurit dhe etikën. Komunikimi i pasjellshëm me opinionin nuk ka të bëjë aspak me profesionin e gazetarit”, pika 15 e Kodit etik të gazetarëve
Linku deri te artikulli origjinal: “Skandal: Bashkëpunëtori i Gruevskit e rreh si “gomar” një banorë të Shkupit që kritikonte qeverinë”
Data dhe koha e publikimit: 09.08.2016
Data e recensionit: 10.08.2016
Recensues: Adrian Kerimi
Nëse autori ka dashur që përmes këtij skandali profesional të mbrojë qytetarin, ka pasur mundësi tjetra profesionale për ta bërë këtë, në formën më të mirë të mundshme. Në raste të tilla, kërkohet qëndrimi i palëve të përmendura në tekst për të dhënë më mirë shpjegim rreth incidentit. Gjithnjë burime më të sigurta janë ato me të cilat ballafaqohesh vetë, e jo përmes mundësisë së kopjimit apo përkthimit.
Pavarësisht se në paragrafin në vijim gjykohen mediat tjera se gjoja nuk kanë pasur guximin për të publikuar një incident të tillë të filmuar, vetë autori vetë-censurohet, bazuar në faktin që teksti është përkthyer nga një medie tjetër dhe është përshtatur në gjuhën shqipe. Kjo vërteton faktin se qëllimi i tekstit nuk është parimisht të plasojë të vërtetën, nga që për incidentin është mësuar përmes një video incizimi të një redaksie tjetër, ndërsa mungesa e përmbajtjes vetanake tregon se autori nuk ka shkelur me këmbët e tij në terrenin ku ka ndodhur incidenti. Neglizhenca vërtetohet me qasjen tendencioze ndaj kësaj ndodhie.
Ndryshe, për herë të parë videoja është publikuar në një televizion bullgar, ndërsa pjesa më e madhe e mediave në Maqedoni kishin qenë të censuruar për ta publikuar këtë video tronditëse që mund ta shihni më poshtë.
Lajmi nuk mund të thuhet se është i kompletuar, nga fakti që nuk ka një strukturë të mirëfilltë dhe profesionale për t’u publikuar si artikull final. Përveç titullit tendencioz, mungesës së hulumtimit dhe verifikimit autonom të redaksisë, kualifikimeve jo profesionale dhe gjuhës jo etike, tekstit i mungon edhe sfondi apo informacioni shtesë, i cili shpjegon në mënyrë plotësuese mbi atë se çfarë ka ndodhur në rajonin ku është sulmuar një qytetar.
INFOGRAPHIC
TRUTHFULNESS
ka fakte
Pjesërisht
pjesërisht
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
Jo
nuk ka shtrembërim të së vërtetës (spin)
informata të rrejshme
është i njëanshëm
anshmëri tjetër
COMMENTING
ka elemente të komentimit
të ndara nga faktet
PLAGIARISM
nuk mund të përcaktohet
nuk është theksuar autori, është theksuar burimi me link
TITLE QUALITY
nuk informon
jokreativ
senzacionalist
adekuat
tendencioz
PHOTOGRAPH
ka
adekuate
informon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
Dehumanizim dhe nënçmim
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e