Pa “pashain” si palë tjetër, nuk ka lajm profesional!
Published in Recensione
on 1 - 06 - 2016 Author: Adrian Kerimi
[Recension: LR-PDSH godet ‘pashain’ e Sarajit Bekim Muratin]
Kemi të bëjmë me një tekst, i cili fillimisht nuk ka strukturë të lajmit. Autori ka publikuar një reagim, duke mos e përcaktuar vallë bëhet fjalë për citat apo jo, duke krijuar në këtë mënyrë hamendje tek lexuesi, i cili, në këtë rast, pavarësisht se titulli e informon pak a shumë për përmbajtjen, nuk mund ta dijë nëse kjo përmbajtje është shkrim gazetaresk apo reagim politik. Gjatë gjithë përmbajtjes shtrohen kritika dhe akuza të ashpra, cilësime dhe emërtime, por teksti nuk sjell asnjë dëshmi konkrete.
KRYETARI I LR-PDSH-SARAJ, AKUZA KRYETARIT TË KOMUNËS, BEKIM MURATI:
BUKOVIQI KATËR DITË PA UJË TË PIJSHËM!!!
Nuk dua gabimisht të kuptohem nga askush, por më duhet të reagoj (si Kryetar i degës së LR PDSH të Sarajt) në lidhje me mosfunksionimin e Komunës së Sarajit dhe në vecanti Kryetarit Bekim Muratit. Neve të gjithë e kemi kuptuar rolin që ka ai në funksionimin e kësaj komune, dhe këtë reagim ja drejtojmë atij, duke mos pasur rrugëdalje tjetër. Thjeshtë kërkoj që autoritetet e komunës së Sarajit ta punojnë punën për të cilën janë votuar dhe marin rroga; të mbrojnë qytetarët dhe interesat të tyre! Kujt ti drejtohen qytetarët e f. Bukoviq për ndihmë, kur për disa ditë në këto ditë të ngrohta verore, kanë mbetur pa ujë për të pirë!
Linku deri te artikulli origjinal: “LR-PDSH godet ‘pashain’ e Sarajit Bekim Muratin”
Data dhe koha e publikimit: 31.05.2016
Data e recensionit: 01.06.2016
Recensues: Adrian Kerimi
Teksti flet për diçka serioze, pavarësisht se është i vështirë përcaktimi i autenticitetit të këtij qëndrimi. Në të janë të apostrofuara disa palë, si kryetari i Komunës Sarajit, Bekim Murati, banorët, kompania EVN, etj. Është për t’u çuditur se si ka mundur autori të finalizojë një tekst si ky, duke mos kërkuar qëndrim nga asnjëra palë e apostrofuar. Në tekst trajtohet gjendja e banorëve të Komunës së Sarajit, por ja që brenda tij nuk ka asnjë banor, i cili do të forconte apo dëshmonte reagimin e subjektit në fjalë. Aq më tepër, në përmbajtje nuk është përfshirë edhe vetë ‘caku’ i këtij artikulli, kryetari i komunës. Duke mos e pasur prononcimin e tij, qasja ndaj kësaj çështjeje në këtë përmbajtje bëhet jo e balancuar. Kujtojmë që pa palën e dytë, gjithnjë vihet në pikëpyetje gazetaria profesionale. Autori në këtë rast nuk tregon edhe nëse ka tentuar të kërkojë qëndrim nga kreu i kësaj komune.
EVN- ja ka vendosur që t’ua ndaloj furnizimin me rrymë elektrike pa të cilën pompat nuk e përcjellin ujin. Konstatojmë se ryma duhet të paguhet! Me të vërtetë është pyetja në vend se kush duhet ta paguajë rrymën. Përgjigjja më e thjeshtë do të ishte se duhet ta paguan ai që e harxhon. Po dhe jo! Autoritetet komunale sipas definicionit janë mbrojtës dhe ndërtues të standardit të qytetarëve të vet. Në këtë rast autoritetet komunale bëjnë krim ndaj qytetarëve të f. Bukovic. Fillimisht nuk reagojnë në rregullimin e cështjes; nuk ju intereson jeta e qytetarëve, nuk bëjnë asgjë për furnizimin me ujë për të pirë në shumë fshatra të kësaj komune.
Artikulli ka ngjyrë dhe anshmëri politike. Ashtu siç është dërguar reagimi, ashtu edhe është plasuar në opinion, duke mos e strukturuar tekstin dhe duke mos i dhënë formën e lajmit. Përveç kësaj, tekstit i mungon edhe aspekti stilistik.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
Nuk përjashtohet
Nuk përjashtohet
mban anën e një pale
anshmëri politike
COMMENTING
nuk ka elemente të komentimit
PLAGIARISM
nuk mund të përcaktohet
nuk është theksuar autori, nuk është theksuar burimi
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
i parregulluar në aspekt stilistik
i palidhur me tag-e