Përmbajtje që nënçmon dhe nuk nderon rregullat e gazetarisë
Published in Recensione
on 25 - 11 - 2016 Author: Xhenis Sulimani[Recension: A po nënçmon Arjeta babanë dëshmor? Ndihet e nderuar si kandidate e partisë plot skandale erotike!!!]
Gazetarët obligohen të raportojnë deklaratat të caktuara, pa ndërhyrje në interpretim të kuptimit dhe mesazhit që përçojnë ato. Çdo akt tjetër i autorit cilësohet si tendencioz. I mbetet publikut të interpretojë dhe kuptojë si të dojë deklaratën e transmetuar.
Linku deri te artikulli origjinal: “A po nënçmon Arjeta babanë dëshmor? Ndihet e nderuar si kandidate e partisë plot skandale erotike!!!”
Data dhe koha e publikimit: 16.11.2016
Data e recensionit: 21.11.2016
Recensues: Xhenis Sulimani
Teksti që po e recensojmë raporton deklaratën e Arjeta Veliut, kandidate për deputete. Pyetja që ngre autori në titull: “A po nënçmon Arjeta babanë dëshmor? Ndihet e nderuar si kandidate e partisë plot skandale erotike!!!”, është elementi kryesor që ofron argument se pse produkti duhet recensuar. Pyetja e parashtruar në tekst do të duhej t’i parashtrohet kandidates për deputet drejtpërsëdrejti, e jo publikisht, pasi që është raportuar për qëndrimin e saj, të cilin gazetari e ka interpretuar ashtu si ka dashur vet.
“Ftoj të gjithë që t’i besojnë BDI-së dhe Ali Ahmetit dhe bashkë në fitoren e radhës nga Struga e deri në Kumanovë”, ka thënë Veliu në tubimin në Strugë, raporton Aktuale.mk. ky fjalim i saj ka shkaktuar një mori komentesh dhe reagimesh në rrjetet sociale, ku përmenden edhe skandalet erotike dhe sharjet e ofendimet në adresë të nënës shqiptare që kanë bërë funksionarë të BDI-së.
Kur dikush është objekt i kritikës, duhet t’i jepet mundësia e të shprehurit për ato kritika. Në këtë rast, përveç atribuimit më konkret se nga vjen kritika, është dashur të pyetet edhe kandidatja për deputete se a i ka parasysh skandalet që kanë ndodhur në partinë e saj. Kuptohet, duke u argumentuar edhe çështja e skandaleve, nga vetë autori, për t’u plotësuar lajmi dhe për t’u bërë gjithëpërfshirës dhe objektiv.
Gjithëpërfshirja është e domosdoshme në produktet gazetareske për t’u shmangur subjektiviteti ose interpretimi i gabuar. Në këtë mënyrë, do t’i lihej hapësirë lexuesit të vlerësojë se cila është cilësia e deklaratës së kandidates për deputete.
Gazetari ka të drejtë të ketë qëndrime politike, por, derisa ushtron profesionin, duhet të jetë objektiv.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
EDITED FOR THE WEB
i lexueshëm
nuk aplikohet
nuk ka linke kontekstuale
i rregulluar në aspekt stilistik
i palidhur me tag-e