Teksti – krah i njëanshmërisë

on 25 - 02 - 2016 Author: Benjamin Arifi

[Recension: Kryetari i zgjedhur i FR të “Besës” – krahu i Zejdit?!]

Teksti që po recensohet është tejet tendencioz dhe shkel me dy këmbë rregullat bazë të gazetarisë. Është tentuar që nga një lajm i rëndomtë i zgjedhjes së kryetarit të forumit rinor të një partie, të krijohet përshtypje përçarjeje, pa bazë konkrete. Autori raporton për “përçarje”, por nuk sjell informacione ose fakte për përçarje të tillë, përveç pohimit (të pa konfirmuar) se kryetari i forumit rinor qenka i afërt me njërin nga eksponentët e po të njëjtës parti.

Linku deri te artikulli origjinal: Recension: Kryetari i zgjedhur i FR të “Besës” – krahu i Zejdit?!

Data dhe koha e publikimit: 22.01.2016

Data e recensionit: 26.01.2015

Recensues: Benjamin Arifi

Vazhdojnë përçarjet në Lëvizjen e re “Besa”?! Kjo gjendje si duket evidente ka qenë edhe në Kuvendin Themelues të Forumit Rinor të këtij subjekti parapolitik, ku kryetar i saj është zgjedhur Daim Luçi. Edhe pse në opinion dëshirojnë të duken si të bashkuar, brenda për brenda kësaj Lëvizje megjithatë “vlon” egoja dhe përçarja.

Tendenca politik vërehet qartë në paragrafin më lartë, jo vetëm për supozimet për përçarje, por edhe etiketimin e subjektit si “parapolitik”, me çka kalohet nga informimi në komentim dhe shtrembërim.

Tendencat vazhdojnë edhe më tej në tekst.

Marrim vesh se kryetari i sapozgjedhur i Forumit është i afërt me njërin nga themeluesit e Lëvizjes Skënder Rexhepi-Zejdin, (i cili nuk po fsheh si duket pretendimet për lider), ndërsa edhe kjo përzgjedhje nuk ka kaluar pa fërkime të brendshme ku është vendosur për personin e apostrofuar, Daim Luçi. Pyetja që parashtrohet tani nga qarqe të caktuara është se a po e mban peng Skënder Rexhepi- Zejdi Lëvizjen “Besa”?

Autori nuk citon asnjë burim relevant, qoftë zyrtar ose jo, për të mbështetur supozimet për përçarje dhe fërkime gjatë zgjedhjes së kryetarit të forumit rinor. Teksti përfundon me pyetjen nëse Skender Rexhepi – Zejdi po e mban peng Lëvizjen Besa. Pyetjet e tilla janë legjitime, por një gazetarë profesional duhej që këtë pyetje ta parashtronte tek të apostrofuarit – zyrtarët e Lëvizjes Besa. Pa kontaktimin e palës, teksti mbetet i vakët dhe i njëanshëm.

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAPHIC

TRUTHFULNESS

nuk ka fakte

nuk mund të përcaktohet saktësia e pohimeve

nuk mund të përcaktohet vërtetësia e deklaratave

SOURCES OF INFORMATION

nuk ka burime të evidentuara

1 burim

një palë

EXTENSIVENESS

jogjithëpërfshirës

ndoshta ka informata të fshehura

BIAS

pjesërisht e paraqet të vërtetën

ka shtrembërim të së vërtetës (spin)

nuk mund të përcaktohet

mban anën e një pale

anshmëri politike

COMMENTING

ka elemente të komentimit

të integruara me faktet

PLAGIARISM

vepër origjinale

nuk është theksuar autori

TITLE QUALITY

kreativ

senzacionalist

adekuat

tendencioz

PHOTOGRAPH

adekuate

as manipulon as informon - është vënë vetëm si ilustrim

nuk është theksuar autori (burimi)

HATE SPEECH

nuk ka gjuhë ofenduese

nuk ka gjuhë të urrejtjes

nuk nxit për përdorimin e dhunës

nuk diskriminon

EDITED FOR THE WEB

mesatarisht i lexueshëm

nuk aplikohet

ka linke kontekstuale

i rregulluar në aspekt stilistik

i lidhur me tag-e

Shërbim për verifikim të fakteve në media