Titull që demantohet nga teksti

on 27 - 08 - 2015 Author: Xhenis Sulimani

[Recension: Orhan Ibrahimi sfidon Menduh Thaçin (FOTO)]

Besueshmërinë e lexuesit mediet e fitojnë nëpërmjet raportimi të drejtë e të saktë, me informacione të balancuara dhe verifikuara. Titujt sensacional nuk janë metodë e mirë për tërheqjen e lexuesit për një kohë afatgjate.

Linku deri te artikulli origjinal: Orhan Ibrahimi sfidon Menduh Thaçin (FOTO)

Data dhe koha e publikimit: 21.08.2015

Data e recensionit: 24.08.2015

Recensent: Xhenis Sulimani

Produkti gazetaresk që nis me titullin “Orhan Ibrahimi sfidon Menduh Thaçin (FOTO)”, përveç titullit sensacional nuk ka strukturë të lajmit, i mungon kreu, përmbajtja dhe sfondi. Por mbi të gjitha ka të bëjë me një informacion jo relevant.

“Gara mes liderëve në politikë deri më tani ka qenë si normale në shtetet demokratike, por gara mes liderit dhe deputetit ndodh vetëm në vendet shqiptare. Për herë të parë ndodh që një deputet të sfidojë liderin e partisë dhe të grumbullojë më shumë simpatizues se sa lideri i vet. Pas publikimit të një fotografie të Menduh Thaçit në rrjetet sociale me disa miq e simpatizues të tij në piknik, menjëherë i është përgjigjur deputeti i PDSH-së Orhan Ibrahimi duke dal në piknik me dyfish njerëz se sa lideri i tij. E kjo është gara e vërtetë dhe në këtë rast deputeti ka arritur të mund liderin.”

Pasi e lexon këtë tekst lexuesi shumë lehtë demanton titullin dhe sheh se dy fotografitë që krahasohen në tekst nuk janë nga një garë brenda partiake dhe nuk bëhet fjalë për sfidë pozitash, por për ngjarje rekreative. Ngjarje këto që nuk janë organizuar për të matur forcat e Orhan Ibrahimi dhe Menduh Thaçi, por thjesht ngjarje private që s’kanë asnjë interes për publikun.

Ato mund të jenë takime familjare, mes miqësh, të ngushta dhe të gjera dhe që nuk kanë të bëjnë me asnjë proces politik, i cili do mund të ishte në interes të publikut.

Titulli duhet të jetë në harmoni me përmbajtjen. Nëpërmjet titullit gazetari jep faktin kryesor të lajmit, andaj një titull informativ i pa mbështetur me fakte brenda produktit bëhet spekulativ.

Gazetari profesionist duhet të mbajë përgjegjësi morale për informacionin që përhap. Tendenca për të qenë sa më shumë i ndjekur, edhe pse informacioni është spekulativ dëmton medien por dhe profesionin.

Tekste të tilla mund të jenë vetëm humor krejtësisht të parëndësishme për të qenë lajme.

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAPHIC

TRUTHFULNESS

nuk ka fakte

pohimet jo të sakta

deklarata jo të vërteta

SOURCES OF INFORMATION

nuk ka burime të evidentuara

EXTENSIVENESS

jogjithëpërfshirës

BIAS

nuk mund të përcaktohet

ka shtrembërim të së vërtetës (spin)

informata të rrejshme

COMMENTING

ka elemente të komentimit

të integruara me faktet

PLAGIARISM

vepër origjinale

nuk është theksuar autori

TITLE QUALITY

informon

kreativ

senzacionalist

joadekuat

tendencioz

PHOTOGRAPH

adekuate

manipulon

nuk është theksuar autori (burimi)

HATE SPEECH

nuk ka gjuhë ofenduese

nuk ka gjuhë të urrejtjes

nuk nxit për përdorimin e dhunës

nuk diskriminon

EDITED FOR THE WEB

mesatarisht i lexueshëm

nuk aplikohet

nuk ka linke kontekstuale

i parregulluar në aspekt stilistik

i palidhur me tag-e

Shërbim për verifikim të fakteve në media