Titull që nxit urrejtje!
Published in Recensione
on 15 - 06 - 2016 Author: Adrian Kerimi
[Recension: Shikoni shqiptarin e Shkupit duke i dhënë flakaresh “VMRO”-istit]
Lajmi që po recensojmë, në pjesën përmbajtjesore është pak a shumë në rregull, mirëpo ajo që vërehet si shkelje e gazetarisë profesionale në këtë artikull është pikërisht titulli tendencioz që mund të nxisë dhunë dhe urrejtje. Nuk do koment çështja se vallë ka pasur të drejtë apo jo personi me motoçikletë ose protestuesit. Në këtë segment, gjërat kuptohen, mirëpo raportimi duhet gjithnjë të bazohet në thelbin e ndodhisë, respektivisht të bëhet lajm nga pamjet. Një titull adekuat do të ishte i llojit: Incident në protestën e “Revolucionit Laraman”. Pas kësaj, e gjitha që do të duhej të thuhej në tekst, do të ishte vetëm në bazë të qasjes profesionale dhe të paanshme. Andaj, gazetarët dhe redaktorët duhet të kenë kujdes kur lexuesit i imponojnë tituj “bombastikë”.
Gjatë bllokadës së sotme të rrugës në qendër të Shkupit (Kisha Kryesore), ka ndodhur njëincident gjatë të cilit janë dhënë edhe flakaresha. Një qytetar me motoçikletë (protestuesit e quajnë VMRO-ist), ka dashur ta kalojë bllokadën e vendosur nga protestuesit e Revolucionit Laraman, raporton “Lajm”.
Linku deri te artikulli origjinal: “Shikoni shqiptarin e Shkupit duke i dhënë flakaresh “VMRO”-istit”
Data dhe koha e publikimit: 08.06.2016
Data e recensionit: 09.06.2016
Recensues: Adrian Kerimi.
Autori ka bërë gabim që kur incidentit i ka dhënë kahje ndëretnike, e cila rrezikon nxitjen e dhunës dhe urrejtjes. Në rastin konkret, profesionale do të ishte raportimi për një incident dhe tendenca e një qytetari, në qoftë se ka qenë e tillë, për të penguar të drejtën e qindra qytetarëve të tjerë. Noshta protestuesit me të drejtë kanë gjykuar personin me motoçikletë si VMRO-ist e ndoshta jo, gjë që duhet të hulumtohet dhe tregohet nga mediat përmes dëshmive dhe fakteve. Mirëpo, në vend se në këtë drejtim, gazetari pa të drejtë i ka dhënë titullit konotacion etnik dhe ngjyra patriotizmi, sigurisht me qëllim për të nxitur e lexueshmëri dhe klikime.
“Revolucionarët” nuk e kanë lejuar dhe me këtë rast ka ndodhur një zënkë verbale mes tij dhe Zamir Mehmetit, vëllait të deputetes Ermira Mehmeti. Mirëpo Zamiri tërhiqet nga zënka, kurse një tjetër protestues (të cilin protestuesit e quajnë Halim, si duket edhe ai shqiptar), i jep flakaresh personit me motoçikletë. Ky rast është incizuar dhe është botuar në youtube.
Një lajm i mirë është një lajm i plotë! “Lajmi” në fjalë, pavarësisht se thirret në burime dhe dëshmon tekstin me pamje, nuk është i plotë. Në tekst mungon edhe ndonjë qëndrim zyrtar. Në rast se policia nuk ka dalë me qëndrim në lidhje me këtë incident, kjo nuk do të thotë se gazetari nuk duhet të kërkojë qëndrim nga ky organ për të rrumbullakuar artikullin.
Sfondi i mirë do të ishte “qershia mbi tortë”. Në tekst flitet për një protestë, mirëpo jo të gjithë kanë njohuri se për çfarë proteste bëhet fjalë dhe me çfarë aktivitete manifestohet ajo. Informacioni shtesë do të ishte që “Revolucioni Laraman”, ka bllokuar udhëkryqet kryesore sot (08.06.2016) në Shkup. Qasja dhe qëllimi tendencioz në tekst, vërtetohet me faktin që për protestën është raportuar shumë më pak se sa për incidentin si pjesë e saj.
INFOGRAPHIC
TRUTHFULNESS
ka fakte
pohime të sakta
pjesërisht
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri tjetër
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori
TITLE QUALITY
nuk informon
jokreativ
senzacionalist
adekuat
tendencioz
PHOTOGRAPH
ka
adekuate
informon
nuk është theksuar autori (burimi)
HATE SPEECH
nuk ka gjuhë ofenduese
gjuhë e urrejtjes
nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
i rregulluar në aspekt stilistik
i palidhur me tag-e