Vetëm njëra palë, nuk është i gjithë lajmi!
Published in Recensione
on 23 - 02 - 2016 Author: Adrian Kerimi[Recension: PDSH: BDI rikthen albanofobin si drejtor të shkollës së mesme në Shkup]
Njëanshmëria e gazetarit është kancer për gazetarinë. Parimi bazë i këtij profesioni është informimi i balancuar. Në rastin konkret kemi të bëjmë me një artikull të njëanshëm, në të cilin autori ka vendosur të bëj lajm duke inkuadruar në të vetëm akuzat e njërës palë.
Këshilltarët e PDSH-së në Qytetin e Shkupit rikthimin e Lupço Celevskit në detyrën e drejtorit të Shkollës së Mesme të Kimisë, “Marija Kiri Skllodoska” në Shkup e cilësojnë si dëshmi për gjendjen e mjerueshme të shqiptarëve nëpër Institucione.
Linku deri te artikulli origjinal: “PDSH: BDI rikthen albanofobin si drejtor të shkollës së mesme në Shkup”
Data dhe koha e publikimit: 13.02.2016
Data e recensionit: 14.02.2016
Recensues: Adrian Kerimi
Pavarësisht se në këtë qëndrim të Këshilltarëve të PDSH-së në Qytetin e Shkupit, akuzohet BDI për veprim anti-shqiptar, autori edhe në këtë rast nuk ka kërkuar qëndrimin e palës së akuzuar. Ky veprim i gazetarit, vetëm sa forcon njëanshmërinë e tij.
“Riemërimi i këtij albanofobi, edhe një herë dëshmon për gjendjen reale antishqiptare, të favorizuar dhe të votuar me dy duar nga BDI-ja. Shqipfolësit në pushtet tregohen të pafuqishëm kur kemi të bëjmë me situata triviale të largimit të një drejtori i cili përbuzë, keqtrajton dhe shkel çdo normë edukative, arsimore dhe ligjore”, deklaruan Këshilltarët e PDSH-së në qytetin e Shkupit.
Gazetari është i obliguar të hulumtojë se me çfarë baze drejtori Celeski është kthyer në punë, pasi kjo përveç që do të zbardhte çdo dilemë, do t’i jepte edhe lexuesit informacion më të detajuar rreth rastit. Edhe pse shqetësimi mund të jetë i drejtë, pa pasur fakte dhe përfshirje të të gjitha palëve, teksti nuk mund të gjejë dritën e botimit.
Kodi etik i gazetarëve përcakton qartë çështjen e informimit të balancuar. “Gazetari duhet të sigurojë “palën e dytë”, respektivisht t’u jep mundësi të dy palëve të interesuara të produktit gazetaresk ta shprehin qëndrimin e tyre. Kjo edhe më tepër vie në shprehje kur gazetari shpreh dyshime ose akuza ose kur dikush është objekt i sulmit apo kritikës”, thuhet në Nenin 1, paragrafi 5 i Kodit Etik.
Celeski ishte shkarkuar me kërkesë të kryetarit të Qytetit të Shkupit Koce Trajanovski dhe Ministrit të Arsimit dhe Shkencës Abdilaqim Ademi. Celeski përveç që shkollën e kishte shndërruar në një “pashallëk”, ai nuk kishte krijuar kushte për nxënësit shqiptarë, të cilët janë në numër të madh në këtë shkollë të mesme të Shkupit.
Sfondi do të rrumbullaksonte dhe kompletonte lajmin duke e bërë që në të, të ishin përfshirë të gjitha elementet e një lajmi profesional. Me rëndësi është që gazetari të informojë publikun se arsyeja e largimit të drejtorit Celeski nga vendi i punës, ishte për shkak të sjelljes së tij jo korrekte ndaj mediave posaçërisht atyre në gjuhën shqipe, si dhe personelit dhe kuadrit shqip në shkollën e mesme “Marija Kiri Skllodovska” në Shkup.
I pa plotë lajmi duket vetëm i njëanshëm ndërkohë që mund të ishte një tekst me argumente të plota.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare
relevante,
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
nuk mund të përcaktohet
mban anën e një pale
anshmëri tjetër
COMMENTING
ka elemente të komentimit
të ndara nga faktet
PLAGIARISM
nuk mund të përcaktohet
nuk është theksuar autori, është theksuar burimi pa link
TITLE QUALITY
nuk informon
jokreativ
josenzancionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e